Yangon Trend

ရန်ကုန်မြို့နှင့် အနီးတဝိုက်တွင် ယခုရက်ပိုင်းအတွင်း နေရာကွက်ကျား မိုးထစ်ချုန်း ရွာမည်

Read 280 times

Photo : Picfair

မိုးလေဝသနှင့် ဇလဗေဒ ညွှန်ကြားမှု ဦးစီးဌာန၏ (၂၀၂၀) ခုနှစ်၊ အောက်တိုဘာလ (၁၉) ရက်နေ့ ညနေ(၄:၀၀)နာရီ အချိန် ထုတ်ပြန်ချက်အရ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့တွင် တိမ်အသင့်အတင့်မှ တိမ်ထူထပ်နေကြောင်း သိရသည်။

ယနေ့ညနေမှ မနက်ဖြန် မနက်အထိ ခန့်မှန်းချက်များအရ

ဧရာဝတီတိုင်းဒေသကြီး၊
တနင်္သာရီတိုင်းဒေသကြီးနှင့်
ရခိုင်ပြည်နယ်တို့တွင် နေရာအနှံ့အပြား မိုးရွာသွန်းမည် ဖြစ်ပြီး၊

ကချင်ပြည်နယ်၊
ရှမ်းပြည်နယ်(တောင်ပိုင်းနှင့် အရှေ့ပိုင်း)နှင့်
ချင်းပြည်နယ်တို့ တွင် နေရာစိပ်စိပ်၊

စစ်ကိုင်းတိုင်းဒေသကြီး အထက်ပိုင်း၊
မကွေးတိုင်းဒေသကြီး၊
ပဲခူးတိုင်းဒေသကြီး၊
ရန်ကုန် တိုင်း‌ဒေသကြီး၊
ကရင်ပြည်နယ်နှင့်
မွန်ပြည်နယ်တို့တွင် နေရာကျဲကျဲ

ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်း ရွာသွန်းမည်ဟု သိရသည်။ ရွာရန်ရာနှုန်းမှာ (၈၀) ဖြစ်ပါသည်။

မြန်မာ့ ကမ်းရိုးတန်း တစ်လျှောက်နှင့် ကမ်းလွန် ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့် အတင့်မှ လှိုင်းကြီးနိုင်ပါသည်။

မိုးသက်လေပြင်း ကျရောက်စဉ် ရေပြင်/ မြေပြင်လေသည် တစ်နာရီလျှင် မိုင်(၃၀)မှ (၃၅)မိုင်အထိ တိုက်ခတ်နိုင်ပြီး လှိုင်းအမြင့်မှာ (၆)ပေမှ (၉)ပေခန့် ရှိနိုင်ကြောင်း သိရသည်။

ယနေ့မှစ၍ လာမည့် (၂)ရက်အတွင်း ဧရာဝတီတိုင်း ဒေသကြီးနှင့် ရခိုင်ပြည်နယ်တို့တွင် မိုးပိုလာနိုင်ပါသည်။

နေပြည်တော်နှင့် အနီးတစ်ဝိုက်အတွက် မနက်ဖြန် မနက်အထိ ခန့်မှန်းချက်အရ နေရာကွက်ကျား မိုးထစ်ချုန်း ရွာမည် ဖြစ်သည်။ ရွာရန် ရာနှုန်း (၈၀) ဖြစ်ပါသည်။

ရန်ကုန်မြို့နှင့် အနီးတစ်ဝိုက်အတွက် မနက်ဖြန် မနက်အထိ ခန့်မှန်းချက်အရ နေရာကွက်ကျား မိုးထစ်ချုန်း ရွာမည် ဖြစ်သည်။ ရွာရန် ရာနှုန်းပြည့် ဖြစ်ပါသည်။

မန္တလေးမြို့နှင့် အနီးတစ်ဝိုက်အတွက် မနက်ဖြန် မနက်အထိ ခန့်မှန်းချက်အရ နေရာကွက်ကျား မိုးထစ်ချုန်း ရွာနိုင်ပြီး ရွာရန်ရာနှုန်းမှာ (၆၀) ဖြစ်သည်ဟု သိရသည်။

Ref : မိုးဇလ

 

Bookmark