တစ်ကမ္ဘာလုံး၌ အကောင်းဆုံးနိုင်ငံများအဖြစ် သတ်မှတ်ထားခြင်း ခံရသော နိုင်ငံ (၁၀) နိုင်ငံ

by Win May May Htay

ကမ္ဘာ့နိုင်ငံများတွင် နိုင်ငံတစ်နိုင်ငံ၏ အောင်မြင်မှု၊ ကြွယ်ဝချမ်းသာမှု၊ နိုင်ငံရေး သွင်ပြင်လက္ခဏာနှင့် ကူးသန်း ရောင်းဝယ်ရေးအပေါ် အခြေခံ၍ နိုင်ငံအသီးသီးအပေါ် အခြေခံအဆင့် သတ်မှတ်ချက်များ ထားရှိပေသည်။

အမေရိကန်အခြေစိုက် သတင်းမီဒီယာတစ်ခု ဖြစ်သော usnews.com ၏ ကြေညာချက်အရ (၂၀၂၀) ပြည့်နှစ်အတွက် တစ်ကမ္ဘာလုံးတွင် အကောင်းဆုံးဖြစ်သော နိုင်ငံများမှာ အောက်ပါအတိုင်း ဖြစ်သည်။

နံပါတ် (၁) ဆွစ်ဇာလန်နိုင်ငံ
GDP - အမေရိကန်ဒေါ်လာ (၇၀၅.၅) ဘီလီယံ
လူဦးရေ - (၈.၅) သန်း

ဆွစ်ဇာလန်နိုင်ငံသည် ပြီးခဲ့သော (၂၀၁၇) ခုနှစ်ကတည်းက ကမ္ဘာ့အကောင်းဆုံး နိုင်ငံတစ်နိုင်ငံအဖြစ် (၄) နှစ်ဆက်တိုက် သတ်မှတ်ထားခြင်း ခံရပြီး ယခု (၂၀၂၀) ပြည့်နှစ်အထိ နံပါတ် (၁) နေရာကို မပြောင်းမလဲ ဆက်လက် ထိန်းသိမ်းထားနိုင်သော နိုင်ငံ ဖြစ်သည်။

နံပါတ် (၂) ကနေဒါနိုင်ငံ
GDP - အမေရိကန်ဒေါ်လာ (၁.၇) ထရီလီယံ
လူဦးရေ - (၃၇.၇) သန်း

ကမ္ဘာပေါ်တွင် ဒုတိယအကြီးဆုံးနိုင်ငံဖြစ်သော ကနေဒါနိုင်ငံသည် ပြီးခဲ့သော (၂၀၁၉) ခုနှစ်က အဆင့်သတ်မှတ်ချက် (၃) နေရာတွင် တည်ရှိခဲ့ပြီး ယခု (၂၀၂၀) ပြည့်နှစ်တွင် အဆင့် (၂) နေရာသို့ တက်လှမ်းနိုင်သော နိုင်ငံတစ်နိုင်ငံ ဖြစ်သည်။

နံပါတ် (၃) ဂျပန်နိုင်ငံ
GDP - အမေရိကန်ဒေါ်လာ (၅) ထရီလီယံ
လူဦးရေ - (၁၂၆.၅) သန်း

အရှေ့တောင်အာရှမှ နိုင်ငံတစ်နိုင်ငံဖြစ်သော ဂျပန်နိုင်ငံသည် ယခု (၂၀၂၀) ပြည့်နှစ်အတွက် ကမ္ဘာ့အကောင်းဆုံးနိုင်ငံ အဆင့်သတ်မှတ်ချက်တွင် တတိယနေရာသို့ ရောက်ရှိခဲ့ပြီး ပြီးခဲ့သော (၂၀၁၉) ခုနှစ်ကမူ အဆင့်(၂) နေရာတွင် ရပ်တည်ခဲ့သော နိုင်ငံဖြစ်သည်။

နံပါတ် (၄) ဂျာမနီနိုင်ငံ
GDP - အမေရိကန်ဒေါ်လာ (၄) ထရီလီယံ
လူဦးရေ - (၈၂.၉) သန်း

ဥရောပသမ္မဂတွင် လူဦးရေ အထူထပ်ဆုံး နိုင်ငံဖြစ်ပြီး ကမ္ဘာ့အကြီးဆုံး စီးပွားရေးဈေးကွက်ကို ပိုင်ဆိုင်ထားသော ဂျာမနီနိုင်ငံသည် (၂၀၁၉) ခုနှစ်ကတည်းက ကမ္ဘာ့အကောင်းဆုံးနိုင်ငံ အဆင့်သတ်မှတ်ချက်တွင် နံပါတ်(၄)နေရာ ရရှိခဲ့ပြီး ယခု (၂၀၂၀) ပြည့်နှစ်အထိ မပြောင်းမလဲ တည်ရှိနေသော နိုင်ငံတစ်ခုလည်း ဖြစ်သည်။

နံပါတ် (၅) ဩစတြေးလျနိုင်ငံ
GDP - အမေရိကန်ဒေါ်လာ (၁.၄) ထရီလီယံ
လူဦးရေ - (၂၅)သန်း

တက်စမေးနီးယား ကျွန်းဆွယ်ကဲသို့ သာယာလှပသော ကျွန်းဆွယ်များ ပိုင်ဆိုင်ထားသော ဩစတြေးလျနိုင်ငံသည် ယခင် (၂၀၁၉) ခုနှစ်က ကမ္ဘာ့အကောင်းဆုံးနိုင်ငံ အဆင့်သတ်မှတ်ချက်တွင် အဆင့်(၇) နေရာ၌ ရပ်တည်ခဲ့ပြီး ယခု (၂၀၂၀) ပြည့်နှစ်တွင် အဆင့် (၅) အထိ တက်လှမ်းနိုင်ခဲ့သော နိုင်ငံ ဖြစ်သည်။

နံပါတ် (၆) United Kingdom
GDP - အမေရိကန်ဒေါ်လာ (၂.၅) ထရီလီယံ
လူဦးရေ - (၆၆.၅)သန်း

စီးပွားရေး၊ နိုင်ငံရေး၊ နည်းပညာပိုင်းနှင့် နိုင်ငံယဉ်ကျေးမှုတို့တွင် အတိုးတက်ဆုံး နိုင်ငံများထဲမှ တစ်ခုအပါအဝင်ဖြစ်သော UK သည် ယခု (၂၀၂၀) ခုနှစ်တွင် နိုင်ငံတကာ အဆင့်သတ်မှတ်ချက်တွင် အဆင့်(၆) နေရာအထိ တက်လှမ်းလျက်ရှိသော နိုင်ငံတစ်ခုဖြစ်သည်။

နံပါတ် (၇) အမေရိကန်နိုင်ငံ
GDP - အမေရိကန်ဒေါ်လာ (၂၀.၅) ထရီလီယံ
လူဦးရေ - (၃၂၇.၂) သန်း

မြောက်အမေရိကတိုက်အတွင်း စီးပွားရေးနှင့် စစ်အင်အား အတောင့်တင်းဆုံး နိုင်ငံတစ်ခုဖြစ်သော အမေရိကန်သည် ယခု (၂၀၂၀)ခုနှစ်အတွက် ကမ္ဘာ့အကောင်းဆုံး အဆင့်သတ်မှတ်ချက်တွင် အဆင့် (၇) အထိ တက်လှမ်းနိုင်ခဲ့ပြီး ပြီးခဲသော (၂၀၁၉) ခုနှစ်က အဆင့် (၈) နေရာတွင် ရပ်တည်ခဲ့သော နိုင်ငံတစ်ခုလည်း ဖြစ်သည်။

နံပါတ် (၈) ဆွီဒင်နိုင်ငံ
GDP - အမေရိကန်ဒေါ်လာ (၅၅၁) ထရီလီယံ
လူဦးရေ - (၁၀.၂)သန်း

ဥရောပသမဂ္ဂ တွင် ဧရိယာအနေဖြင့် တတိယအကြီးဆုံး နိုင်ငံဖြစ်သည့် ဆွီဒင်နိုင်ငံသည် (၂၀၂၀)ပြည့်နှစ်အတွက် အကောင်းဆုံးနိုင်ငံ အဆင့်သတ်မှတ်ချက်တွင် အဆင့်(၈)နေရာ၌ ရပ်တည်လျက်ရှိပြီး၊ ယမန်နှစ်ကမူ အဆင့် (၆) အထိ ရရှိခဲ့သည်။

နံပါတ် (၉) နယ်သာလန်နိုင်ငံ
GDP - အမေရိကန်ဒေါ်လာ (၉၁၃.၇) ဘီလီယံ
လူဦးရေ - (၁၇.၂) သန်း

နယ်သာလန်နိုင်ငံသည် ဥရောပတိုက်ရှိ၊ စည်းမျဉ်းခံဘုရင်စံနစ်ဖြင့် အုပ်ချုပ်သော နိုင်ငံငယ်လေးတခုဖြစ်ပြီး ကမ္ဘာအကောင်းဆုံနိုင်ငံ အဆင့်သတ်မှတ်ချက်တွင် ယခင် (၂၀၁၉) ခုနှစ် အဆင့် (၁၁)မှ ယခု (၂၀၂၀) ပြည့်နှစ်တွင် နံပါတ်(၉)နေရာအထိ တက်လှမ်းရရှိခဲ့ခြင်း ဖြစ်သည်။

နံပါတ် (၁၀) နော်ဝေနိုင်ငံ
GDP - အမေရိကန်ဒေါ်လာ (၄၃၄.၈) ဘီလီယံ
လူဦးရေ - (၅.၃) သန်း

ဥရောပတွင် ဒုတိယမြောက် လူဦးရေ သိပ်သည်းမှု အနည်းဆုံး နိုင်ငံဖြစ်သည့် နော်ဝေနိုင်ငံသည် ကမ္ဘာ့အကောင်းဆုံးနိုင်ငံ အဆင့်သတ်မှတ်ချက်တွင် ယခု (၂၀၂၀) ပြည့်နှစ်အတွက် အဆင့် (၁၀) နေရာမှ ရပ်တည်လျက်ရှိပြီး ယခင် (၂၀၁၉) ခုနှစ်ကမူ အဆင့် (၉) နေရာတွင် ရပ်တည်ခဲ့သည်။

Ref : www.usnews.com