Yangon Trend

ရန်ကုန်တိုင်း​ဒေသကြီးအတွင်းရှိ မြို့နယ်​နေရာများ ယာယီဓာတ် အားပြတ်​တောက်

Read 434 times

၂၀၂၀ခုနှစ် နိုဝင်ဘာလ ၁၈ရက်​​နေ့ နံနက် (၀၉း၄၅) နာရီ အချိန်ခန့်တွင် ရန်ကုန်တိုင်း​ဒေသကြီးအတွင်းရှိ အချို့သော မြို့နယ်​နေရာများတွင် ယာယီဓာတ်အားပြတ်တောက်ခြင်း ဖြစ်ပေါ်ခဲ့သည်။

ပြတ်တောက်ရသည့် အကြောင်းအရင်းမှာ ရန်ကုန်တိုင်း​ဒေသကြီးအတွင်း ဓာတ်အား​ပေးထား​သော ဓာတ်အား​ပေးစက်များဖြစ်သည့် (230kV) ဓာတ်အားလိုင်းများ Under Frequency ဖြင့် ဓာတ်အားပို့လွှတ်မှု ကျဆင်းသွားခဲ့ခြင်းကြောင့် မြို့နယ်​အချို့ ယာယီဓာတ်အားဖြတ်တောက်လိုက်ခြင်းဖြစ်သည်။

သို့သော် ရန်ကုန်တိုင်းအတွင်း လျှပ်စစ်ဓာတ်အား အမြန်ပြန်လည်ပို့လွှတ်နိုင်​ရေးအတွက် ရန်ကုန်တိုင်းအတွင်းရှိ ဓာတ်အား​ပေးစက်များမှ ဓာတ်အားများကို ရန်ကုန်ဓာတ်အားစနစ်ဌာနနှင့် ရန်ကုန်လျှပ်စစ်ဓာတ်အား​ပေး​ရေး​ကော်ပို​ရေးရှင်းမှ အချိန်နှင့် တစ်​ပြေးညီ​ဆောင်ရွက်ပေးခဲ့ရာ မနက် ၁၀း၀၅ နာရီအချိန်ခန့်တွင် ဓာတ်အားကို ပြန်လည်ရယူနိုင်ခဲ့ပါသည်။

ယခုအခါ ရန်ကုန်တိုင်း​ဒေသကြီးအတွင်း ဓာတ်အားပြတ်​တောက်ခဲ့ရ​သော မြို့နယ်​နေရာများကို တစ်ဆင့်ပြီး တစ်ဆင့် ဓာတ်အားပို့လွှတ်ပေးလျက်ရှိပါ​သည်။

ထို့ကြောင့်  Under Frequencyဖြစ်ပြီး လျှပ်စစ်ဓါတ်အားပြတ်​တောက်ခဲ့ရခြင်းကို နားလည်ခွင့်လွှတ်​ပေးကြပါရန်   ရန်ကုန်လျှပ်စစ်ဓါတ်အား​ပေး​ရေး​ကော်ပို​ရေးရှင်းမှ အသိပေးထုတ်ပြန်ထားပါသည်။

 

Bookmark