ဒုတိယအကြိမ် COVID-19 ချေးငွေလျှောက်ထားသူ (၁၀,၀၀၀) ကျော်တွင် ရန်ကုန်တိုင်းမှ (၂၅%) သာရှိ

by Kael

COVID-19 ကြောင့် အခက်တွေ့နေရသည့် လုပ်ငန်းရှင်များအား အထောက်အပံ့ဖြစ်စေရန် ဒုတိယအကြိမ် ချေးငွေလျှောက်ထားခြင်းကို UMFFCC က ဇူလိုင်လ (၂၉) ရက်မှ သြဂုတ်လ (၁၀) ရက်နေ့အထိ ခွင့်ပြုပေးခဲ့သည်။

ထိုချေးငွေကို လာရောက်လျှောက်ထားသူ (၁၀,၀၀၀) ကျော်ရှိပြီး ရန်ကုန်တိုင်းဒေသကြီးမှ လျှောက်ထားသူ (၂၅%) နှင့် အခြားပြည်နယ်နှင့် တိုင်းဒေသကြီးများမှ လာရောက်လျှောက်ထားသူ (၇၅%) ရှိသည်ဟု ကုန်သည်စက်မှုအသင်းချုပ်မှ သိရသည်။ 

ချေးငွေလျှောက်ထားသည့် လုပ်ငန်းအများစုမှာ  ပြည်ပပို့ကုန် ထုတ်လုပ်သည့် လုပ်ငန်းများ၊ သွင်းကုန်အစားထိုးပစ္စည်း ထုတ်လုပ်သည့် လုပ်ငန်းများ၊ ပြည်တွင်းထုတ်လုပ်မှုမှ ပြည်ပတင်ပို့သည့် လုပ်ငန်းများ၊ စားသောက်ကုန်ထုတ်လုပ်ငန်းများနှင့် ပြည်ပအလုပ်အကိုင် ဝန်ဆောင်မှုလုပ်ငန်းများ အများဆုံးဖြစ်သည်ဟုလည်း သိရသည်။

သြဂုတ်လ (၁၁) ရက်မှ စတင်ကာ သက်ဆိုင်ရာဌာနများဖြစ်သည့်…

• SME Development Department ၊ 

• မြန်မာနိုင်ငံ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ( DICA )၊ 

• မြန်မာ့စီးပွားရေးဘဏ်၊ 

• မြန်မာ့လယ်ယာဖွံ့ဖြိုးရေးဘဏ်၊ 

• ပညာရေးဝန်ကြီးဌာန ( နည်းပညာ၊ သက်မွေးပညာနှင့် လေ့ကျင့်ရေး ဦးစီးဌာန)၊ 

• ကုန်သွယ်ရေးဦးစီးဌာန ( စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန )၊ 

• ငါးလုပ်ငန်းဦးစီးဌာန၊ 

• မွေးမြူရေးနှင့် ကုသရေးဦးစီးဌာန၊ 

• အလုပ်သမားညွှန်ကြားမှု ဦးစီးဌာန၊ 

• စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနတို့မှ တာဝန်ရှိသူများအပြင် မိတ်ဖက်အသင်း (၂၁) သင်းမှ တာဝန်ရှိသူများနှင့်အတူ ချေးငွေပဏာမ စိစစ်ရေးများ ဆောင်ရွက်နေပြီ ဖြစ်သည်။ 

ပထမအကြိမ် ချေးငွေ ခွင့်ပြုခဲ့စဥ်က အတွေ့အကြုံများကြောင့် ယခုဒုတိယအကြိမ်တွင် ပိုမိုလျင်မြန်စွာ ဆောင်ရွက်နိုင်မည်ဟု မျှော်လင့်ထားကြောင်းလည်း ပြောကြားခဲ့သည်။