အွန်လိုင်းမှတစ်ဆင့် ကုမ္ပဏီမှတ်ပုံတင်ရာတွင် လိုအပ်သော အချက်အလက်များ

By WMMH (Mizzy)

မြန်မာနိုင်ငံ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ( DICA ) သည် မြန်မာနိုင်ငံတွင်းရှိ ကုမ္ပဏီများကို Myanmar Companies Online (MYCO) မှတစ်ဆင့် Online Registration ပြုလုပ်နိုင်ရန် စီစဥ်ထားလျက် ရှိသည်။
မြန်မာနိုင်ငံတွင်းရှိ ကုမ္ပဏီတစ်ခု သို့မဟုတ် အဖွဲ့အစည်းတစ်ခုသည် မြန်မာနိုင်ငံကုမ္ပဏီများဥပဒေ (၂၀၁၇) နှင့် (၁၉၅၀) ခုနှစ် အထူးကုမ္ပဏီ အက်ဥပဒေနှင့်အညီ MYCO မှတ်ပုံတင်စနစ်တွင် မှတ်ပုံတင်နိုင်မည် ဖြစ်သည်။

မှတ်ပုံတင်နိုင်သော ကုမ္ပဏီနှင့် အဖွဲ့အစည်း အမျိုးအစားများမှာ...

• ပုဂ္ဂလိကပိုင် ကုမ္ပဏီများ
• အများပိုင် မြန်မာကုမ္ပဏီများ
• နိုင်ငံခြားကုမ္ပဏီများ
• နိုင်ငံခြား ကုမ္ပဏီ ရုံးခွဲ (သို့မဟုတ်) ကိုယ်စားလှယ် ရုံးခွဲများ
• ဖက်စပ်ကုမ္ပဏီများ
• အသင်းအဖွဲ့များ

စသည်တို့ ဖြစ်သည်။

ကုမ္ပဏီမှတ်ပုံတင်နိုင်ရန်အတွက်…

• နိုင်ငံသားစိစစ်ရေးကတ်ပြား
• ကုမ္ပဏီမှတ်ပုံတင်လျှောက်လွှာ
• ကုမ္ပဏီမှတ်ပုံတင်ကြောင်း ကြေညာချက် (ပုံစံ-၁)
• ကုမ္ပဏီရုံးခန်းတည်နေရာ အကြောင်းကြားစာ
• ဆောက်ရွက်မည့် လုပ်ငန်းရည်ရွယ်ချက်များ
• ဒါရိုက်တာများ အမည်စာရင်း (ပုံစံ - ၂၆)
• သင်းဖွဲ့မှတ်တမ်း
• သင်းဖွဲ့စည်းမျဉ်း

စသည့် အချက်အလက်များ လိုအပ်သည်။

ကုမ္ပဏီအမျိုးအစားအလိုက် လျှောက်ထားရန် အဆင့်များကို အောက်ပါဝက်ဆိုဒ်တွင်ကြည့်ရှုနိုင်ပါသည်။> http://www.dica.gov.mm/mm/my/243318

ကုမ္ပဏီများ ဖွဲ့စည်းရာတွင် လိုအပ်သော ကုမ္ပဏီဆိုင်ရာ သတင်းအချက်အလက်များကို ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနသို့ ပေးပို့တင်ပြရန် MYCO Website ကို အသုံးပြုနိုင်မည့်အပြင် ကုမ္ပဏီများနှင့် သက်ဆိုင်သော သတင်းအချက်အလက်များ ရှာဖွေခြင်းနှင့် သတင်းအချက်အလက်များ ရယူခြင်းတို့အတွက် အသုံးပြုနိုင်မည် ဖြစ်သည်။