မြန်မာနိုင်ငံအတွင်းသို အပူပိုင်းမုန်တိုင်း နိုလ်(NOUL) ဝင်ရောက်မည်

ယနေ့မြန်မာစံတော်ချိန်  (၀၅:၃၀) နာရီအချိန် တိုင်းထွာချက်များအရ ထိုင်းနိုင်ငံပေါ်တွင် ရောက်ရှိနေသော အပူပိုင်းမုန်တိုင်း "နို(လ်)"(NOUL)သည် ကုန်းတွင်းမုန်တိုင်းငယ်အဖြစ်သို့ အားလျော့သွားခဲ့သည်ဟုသိရှိရသည်။ သို့သော် အဆိုပါမုန်တိုင်းငယ်သည် အနောက်ဘက်သို့ ဆက်လက်ရွေ့လျားလျက်ရှိပြီး ယနေ့မွန်းလွဲပိုင်းတွင် မြန်မာနိုင်ငံ ကရင်ပြည်နယ်ရှိ မြဝတီမြို့အနီးမှ လေဖိအားနည်းရပ်ဝန်း အဖြစ် ဖြတ်ကျော်မည်ဖြစ်သည်။ 

ထိုမုန်တိုင်းအရှိန်ကြောင့် (၂၂.၉.၂၀၂၀)ရက်နေ့အတွင်း 

• နေပြည်တော်

• မန္တလေးတိုင်းဒေသကြီး

• မကွေးတိုင်းဒေသကြီး 

• ပဲခူးတိုင်းဒေသကြီး 

• ရန်ကုန်တိုင်းဒေသကြီး

• ဧရာဝတီတိုင်းဒေသကြီး

• တနင်္သာရီတိုင်းဒေသကြီး

• ရှမ်းပြည်နယ်(တောင်ပိုင်း)

• ရခိုင်ပြည်နယ်

• ကယားပြည်နယ်

• ကရင်ပြည်နယ်နှင့်

• မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ ဒေသအလိုက်မိုးကြီးခြင်းနှင့် နေရာကွက်၍ မိုးကြီးခြင်းများလည်းဖြစ်ပေါ်နိုင်သည်။

အဆိုပါတိုင်းဒေသကြီးနှင့် ပြည်နယ်များတွင် မုန်တိုင်းငယ်ကြောင့် 

• မိုးသည်းထန်စွာ ထစ်ချုန်းရွာသွန်းခြင်း 

• လေပြင်းတိုက်ခတ်ခြင်း

• လျှပ်တစ်ပြက်ရေကြီးခြင်း

• မြေပြိုခြင်းများ 

• ရေကြီး ရေလျှံမှုများ ဖြစ်ပေါ်နိုင်သောကြောင့် ကုန်းမြင့်ဒေသအနီးတွင် နေထိုင်သူများနှင့်မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ဖြစ်ပေါ်နိုင်သော အန္တရာယ်တို့ကို  ကြိုတင်သတိပြုနေထိုင်ပါရန် မိုးလေဝသနှင့် ဇလဗေဒညွှန်ကြားမှုဦးစီးဌာန မှထုတ်ပြန်ကြေညာထားသည်။