ဘဏ်ဖောက်တဲ့ကားတွေထဲက အကောင်းဆုံးလို့ဆိုရမယ့် Money Heist

Money Heist လို့ခေါ်တဲ့ စပိန်စီးရီးဟာ လက်ရှိမှာ အရမ်းအောင်မြင်ပြီး တစ်နှစ်မှာ Season တစ်ခုထွက်ဖို့ လူတိုင်းစောင့်မျှော်နေရတဲ့ အရမ်းအောင်မြင်တဲ့ ဇတ်လမ်းတွဲဖြစ်ပါတယ် အဓိက ဇာတ်ကောင်တွေ ဖြစ်တဲ့ ပရော်ဖက်ဆာ ၊ ဘာလင် ၊ ဒန်ဘာ ၊ တိုကျို ၊ နိုင်ရိုဘီတို့ဆို မသိသူမရှိသလောက် ချစ်ကြတဲ့ သူတွေ များပါတယ်…

ဒီလို မအောင်မြင်ခင်က ပိတ်ကားနောက်ကွယ်ကို ကြည့်မယ်ဆိုရင်ဒီ ဘဏ်ဓါးမြတိုက်တဲ့ စီးရီးကို ၂၀၁၇ က စပိန်နိုင်ငံရဲ့ ဖရီးရုပ်သံလိုင်းမှာပြသခဲ့တာ ဖြစ်ပြီး စစပြချင်းတော့ စပိန်နိုင်ငံအဝှမ်း ကြည့်ရှု့သူများပါတယ်။ ဒါပေမဲ့ Season 2 ကို ရောက်တဲ့အခါမှာ ကြည့်ရှုသူ နည်းခဲ့ပြီး ရိုက်ကူးရေးကို လုံး၀ရပ်ဆိုင်းပစ်ခဲ့ရပါတယ်…ပြောရရင် ရှုံးနိမ့်သွားခဲ့တဲ့ ဇတ်လမ်းတစ်ခုပါပဲ ဒီလိုပြောရင် ခင်ဗျားတို့က ရယ်နေမှာပဲ ဟာ.. ဖြစ်နိုင်ပါ့မလားပေါ့

ဒီလို နဲ့ Netflix ဟာ သူ့ရုပ်သံလိုင်းမှာ ပြသဖို့ စပိန်ရုပ်ရှင်နဲ့ဇာတ်လမ်းတွဲတွေကိုဝယ်တဲ့ အခါ ဒီ Money Heist စီးရီးကိုပါ ဝယ်ယူပြသခဲ့ပါတယ်…ဒီအခါမှာ ပရိုဂျူဆာ ၊ ဒါရိုက်တာ နဲ့ သရုပ်ဆောင်တွေ အားလုံးဟာချက်ချင်းဆိုသလို လူသိများပြီး နာမည်ကြီးသွားခဲ့ပါတယ်…နောက်ဆုံး Money Heist ရဲ့ အရှိန်ကြောင့် Netflix ကMoney Heist ရဲ့ နောက်ဆက်တွဲတွေကို ဆက်ရိုက်ဖို့ အတွက်ကမ်းလှမ်းခဲ့တာကြောင့် ကျနော်တို့ Season 3 နဲ့ Season 4 ကိုဆက်ကြည့်ခဲ့ကြရတာ ဖြစ်ပါတယ်….