Wednesday, 09 January 2019 03:00

YBS ယာဉ်လိုင်းများတွင် ကတ်စနစ်တပ်ဆင်ပြီးပါက ယာဉ်စီးခ ၁၀ဝ ကျပ်သာ ကောက်ခံမည်

ybs

ရန်ကုန်မြို့တွင်း ပြေးဆွဲနေသည့် YBS ယာဉ်လိုင်းများတွင် YPS (Yangon payment system) ယာဉ်စီးခပေးကတ်စနစ်ကို MIC ခွင့်ပြုချက်ရရှိပြီးပါက တပ်ဆင်အသုံးပြုမည်ဖြစ်ရာ မြို့တွင်းပတ်ပြေးဆွဲနေသည့် YBSယာဉ်လိုင်းသုံးလိုင်းအား ယာဉ်စီးခ ၁၀ဝ ကျပ်သာ ပိုင်းဖြတ်ကောက်ခံသွားမည် ဖြစ်ကြောင်း

ရန်ကုန်တိုင်းဒေသကြီး အများပြည်သူသယ်ယူပို့ဆောင်ရေးကြီးကြပ်မှူ အာဏာပိုင်အဖွဲ့မှ ဇန်နဝါရီ ၇ ရက်တွင် သိရသည်။YPSကတ်စနစ် လုပ်ဆောင်ရန် Asia Starmar Transport Intelligent တင်ဒါအောင်မြင်ထားသည့် ကုမ္ပဏီ နှင့် MoU လက်မှတ်ရေးထိုးပြီးစီးပြီဖြစ်သည်။သို့ဖြစ်ရာ MIC ခွင့်ပြုချက်ကျပါက မကြာခင် YBS ကားများတွင် ကတ်စနစ်များတပ်ဆင်အသုံးပြု သွားမည်ဖြစ်သည်။

” YBS ကားတွေမှာ ယာဉ်စီးခ ပေးချေတဲ့ YPS ကတ်စနစ် တပ်ဆင်အသုံးပြုဖို့လုပ်နေပါပြီ။ ကုမ္ပဏီ နဲ့စာချူပ်ချူပ်ပြီးသွားပြီ။ MIC ခွင့်ပြုချက်ကျတာနဲ့ ပစ္စည်းတွေကို ဝယ်ယူတပ်ဆင်အသုံးပြုတာတွေစလုပ်မယ်။မြို့တွင်းပတ်ပြေးဆွဲနေတဲ့ ယာဉ်လိုင်းသုံးလိုင်းက လက်ရှိကောက်ခံနေတဲ့ ၁၀ဝ ကျပ်နှူန်းပဲ ကောက်ခံသွားမယ်။”ဟု ရန်ကုန်တိုင်းဒေသကြီး အများပြည်သူသယ်ယူပို့ဆောင်ရေး ကြီးကြပ်မှူ အာဏာပိုင်အဖွဲ့ တာဝန်ရှိသူတစ်ဦးက ဇန်နဝါရီ ၇ ရက်တွင် မြန်မာတိုင်းမ်နေ့စဉ်သို့ ပြောကြားသည်။
ကတ်စနစ်အား ခရီးစဉ်အကွာအဝေးအလိုက်နှူန်းထား သတ်မှတ်ပိုင်းဖြတ်ရန် ယာဉ်လိုင်း ကုမ္ပဏီကြီးများက အများပြည်သူသယ်ယူပို့ဆောင်ရေး ကြီးကြပ်မှူ အာဏာပိုင်အဖွဲ့ YRTA သို့ တင်ပြထားရှိကြောင်း ယာဉ်လိုင်းပြေးဆွဲသည့်ကုမ္ပဏီကြီးတစ်ခုက ဆိုသည်။
ရန်ကုန်တိုင်းဒေသကြီးအစိုးရအဖွဲ့က ပြီးခဲ့သည့် မေလ ၁၇ ရက်တွင် ကျင်းပခဲ့သည့် အစည်းအဝေး အမှတ် (၂၀/၂၀၁၈) ဆုံးဖြတ်ချက် အပိုဒ် ၇၉ အရ Asia starmar Transport intelligent ကုမ္ပဏီကို YPS ကတ်စနစ်တင်ဒါအောင်မြင်သူအဖြစ် ရွေးချယ်ခဲ့ကြောင်း သတင်းထုတ်ပြန်ခဲ့သည်။

Source : Brain Wave


Read 440 times
Rate :
(4 votes)

Leave a comment

Make sure you enter the (*) required information where indicated. HTML code is not allowed.