Tuesday, 05 June 2018 05:00

     Screenshot from 2018 06 05 10 56 54

     ပလတ်စတစ် ညစ်ညမ်းမှုတိုက်ဖျက်ရေး အမျိုးသားအဆင့် အများပြည်သူ အသိပညာပေး လှုပ်ရှားမှုအစီအစဉ်မှာ နိုင်ငံကျော် အနုပညာရှင်တွေ ဖြစ်တဲ့ အကယ်ဒမီများဆုရှင် ဆွေဇင်ထိုက် (အန်တီဂရေ့စ်)၊ တေးသံရှင် ဇွဲပြည့်၊ ဖက်ရှင်ဒီဇိုင်နာ မပုံ့၊ အလှအပရေးရာ ဖန်တီးရှင် ခင်စန်းဝင်းနဲ့ မော်ဒယ်လ် နှင်းရည်လွင်တို့ကပူးပေါင်းပါဝင် သွားမှာ ဖြစ်ပါတယ်။
     အဆိုပါ အနုပညာရှင်တွေ ပါဝင်သရုပ်ဆောင်ထားတဲ့ ရုပ်သံဗီဒီယို ၅ ကားဟာ ပလတ်စတစ် ညစ်ညမ်းမှုနဲ့ ဆိုးကျိုးတွေ အကြောင်းကို အများပြည်သူတွေ အကျယ်တဝင့် သိရှိစေဖို့ မီးမောင်းထိုး တင်ဆက်ပြသထားခြင်းဖြစ်ပြီး ထိုဗီဒီယို ဇာတ်လမ်းတိုတွေဟာ ဥရောပသမဂ္ဂအဖွဲ့ရဲ့ ပံ့ပိုးကူညီမှုနဲ့ သန့်မြန်မာမှ ဖန်တီးတင်ဆက်ထားတာပဲ ဖြစ်ပါတယ်။

Screenshot from 2018 06 05 10 59 35

     တစ်မိနစ်တာ ကြာမြင့်တဲ့ ထိုရုပ်သံဗီဒီယိုတွေထဲမှာ ပလတ်စတစ်တွေဟာ ပတ်ဝန်းကျင်ကိုသာမက ကျန်းမာရေးကိုလည်း ဆိုးဆိုးရွားရွား ထိခိုက်စေမှုတို့ကို ရှင်းလင်းတင်ပြထားပါတယ်။ ထိုရုပ်သံ ဗီဒီယိုတွေကို ရန်ကုန်မြို့ရဲ့ မတူညီတဲ့ နေရာတွေမှာ ရိုက်ကူးထားပြီး မြန်မာနိုင်ငံမှာ နေ့စဉ်နဲ့အမျှ ပြန်လည်အသုံး မပြုနိုင်တဲ့ပလတ်စတစ်၊ တနည်းအားဖြင့် တစ်ခါသုံး ပလတ်စတစ်ျေတွကို မည်သည့်နေရာတွေမှာ မည်သည့် အတိုင်းအတာ အထိ အသုံးပြုနေကြောင်း၊ ၎င်းတို့ကို စွန့်ပစ်တဲ့အခါ မည်သည့်နေရာတွေမှာ အဆုံးသတ်ကြကြောင်း ပုံဖော် ပြသထားပါတယ်။ ယင်းဗီဒီယိုတွေမှတဆင့် ပလတ်စတစ်ရဲ့ ရေရှည်ဆိုးကျိုး သက်ရောက်နိုင်မှုကို အသိပညာပေးတဲ့ အနေနဲ့ သော်လည်းကောင်း၊ ရေရှည်အကျိုး မျှော်ကိုးတဲ့ အခြားသော ပလတ်စတစ်အစားထိုး အသုံးပြုမှု နည်းလမ်းတွေကို ပြသနိုင်ဖို့ ရည်ရွယ်ထားတယ်လို့ သိရပါတယ်။

     “မိတ်ဆွေတို့ရဲ့ အတွေးထဲမှာ ‘ကမ္ဘာ့ ပြဿနာအကြီးကြီးတစ်ခုကို ပြောင်းလဲပစ်ဖို့ မိမိဘာလုပ်နိုင်မှာလဲ’ ‘မိမိတစ်ဦးတစ်ယောက် ပါဝင်ပြောင်းလဲလိုက်လို့ရော ဘာများကွာသွားနိုင်မှာလဲ’ လို့ မိတ်ဆွေတို့ တွေးကောင်းတွေးလိမ့်မယ်။ တကယ်တမ်းက ပလတ်စတစ် ညစ်ညမ်းမှုကို အဆုံးသတ်ဖို့ဆိုတာ ကျွန်တော်တို့ တစ်ဦးတစ်ယောက်ချင်းစီရဲ့ လက်ထဲမှာပဲရှိပါတယ်။ တစ်ဦးတစ်ယောက်ချင်းစီ ပေါ်မှာ မူတည်နေပါတယ်။ ကျွန်တော်တို့ရဲ့ အမူအကျင့်တွေ၊ နေ့စဉ်အလေ့အထတွေ၊ မစဉ်းစားမတွေးခေါ်ပဲ သက်သာ ဖို့ အလွယ်လိုက်ခဲ့တာတွေကို မပြောင်းလဲမပြင်ဆင်ဘူးဆိုရင် ပလတ်စတစ် ညစ်ညမ်းမှုဆိုတာ ပျောက်သွားမှာ မဟုတ် သလို ပလတ်စတစ်စွန့်ပစ်ပစ္စည်းတွေနဲ့ ဆက်ပြီး မွန်းကျပ်နေဦးမှာဖြစ်ပါတယ်။” လို့ မြန်မာနိုင်ငံဆိုင်ရာ ဥရောပသမဂ္ဂမှ သံအမတ်ကြီး Kristian Schmidt က  ပြောပါတယ်။

Screenshot from 2018 06 05 10 59 06

     ၂၀၁၈ ခုနှစ်၊ ဇန်နဝါရီလမှာ ဥရောပသမဂ္ဂ (EU) မှ သဘာဝ ပတ်ဝန်းကျင်ကို ပလတ်စတစ် ညစ်ညမ်းမှုမှ ကာကွယ်နိုင်ဖို့ ဥရောပတခွင် ပလတ်စတစ် ညစ်ညမ်းမှုဆိုင်ရာ နည်းဗျူဟာကို ထုတ်ဖော်ကြေငြာခဲ့ပြီး သမိုင်းမှတ်တိုင် စိုက်ထူနိုင်ခဲ့ပြီ ဖြစ်ပါတယ်။

     ဥရောမသမဂ္ဂရဲ့ ပလတ်စတစ်နည်းဗျူဟာ (EU Plastic Strategy) ဆိုင်ရာ အဓိက ရည်မှန်းချက်တွေကတော့ ပလတ်စတစ် အိတ်သုံးစွဲမှုကို ၂၀၃၀ ခုနှစ်အရောက်မှာ ၉၀ ရာခိုင်နှုန်းအထိ လျှော့ချရန်၊ ပလတ်စတစ်ထုတ်ပိုးမှုကိုလည်း ပြန်လည် သုံးစွဲနိုင်တဲ့ တဖန်ပြန်လည် ဖန်တီးထုတ်လုပ်နိုင်တဲ့ ပလတ်စတစ် အမျိုးအစားကိုသာ သုံးစွဲသွားကြရန်နဲ့ တစ်ခါသုံး ပလတ်စတစ် အသုံးအဆောင်ပစ္စည်း ၁၀ မျိုးကို တားမြစ်ပိတ်ပင်သွားရန် ဖြစ်ပါတယ်။

Screenshot from 2018 06 05 10 58 18

     မြန်မာနိုင်ငံမှာ ပလတ်စတစ် ညစ်ညမ်းမှုတိုက်ဖျက်ရေး အမျိုးသားအဆင့် အများပြည်သူ အသိပညာပေးလှုပ်ရှားမှု အစီအစဉ်အတွက် ထင်ရှားကျော်ကြားသူတွေဟာ ရုပ်သံဗီဒီယိုတွေက တဆင့် အသိပညာပေးလှုံ့ဆော်ခြင်းနဲ့ ကမ္ဘာ့ သဘာဝ ပတ်ဝန်းကျင်ဆိုင်ရာနေ့ကို ဦးတည်တဲ့ အခမ်းအနားတွေလို အစီအစဉ်တွေကို ဥရောပသမဂ္ဂရဲ့ ထောက်ပံ့မှုနဲ့ လုပ်ဆောင်လျက် ရှိပါတယ်။ ယင်းကဲ့သို့ လုပ်ဆောင်မှုဟာ ပလတ်စတစ်ညစ်ညမ်းမှုကို တိုက်ဖျက်ရာမှာ ကမ္ဘာလုံးဆိုင်ရာ ပူးပေါင်းဆောင်ရွက်မှုကို အားကောင်းစေဖို့ ဥရောမသမဂ္ဂရဲ့ ပလတ်စတစ် မဟာဗျူဟာနဲ့အညီလည်း ဖြစ်ပါတယ်။

Read more about update articles here


Read 300 times Last modified on Tuesday, 05 June 2018 05:12
Rate :
(5 votes)

Leave a comment

Make sure you enter the (*) required information where indicated. HTML code is not allowed.