Friday, 08 March 2019 11:39

setgdti.jpg

ကဲ အားလုံး Super Sunday ပိတ်ရက်အိမ်မှာ မိသားစုဆုံတုန်းလေး အဆာပြေမုန့်အဖြစ် လွယ်လင့်တကူပြုလုပ်နိုင်တဲ့ မုန့်ဗိုင်းတောင့် လုပ်နည်းလေးကို ဖော်ပြပေးလိုက်ပါတယ်။

ပါဝင်ပစ္စည်းများကတော့ ဆန်မှုန့်၊ ကောက်ညှင်းမှုန့်၊ အုန်းသီး၊ သကြား၊ နှမ်းအဖြူ၊ နှမ်းအနက် တို့လိုအပ်ပါမယ်။

ပထမဦးဆုံး ဆန်မှုန့်၊ ကောက်ညှင်းမှုန့်၊ ဆား တို့ကို သမအောင်ရောမွှေပေးပါ။ ပြီးလျှင် ရေအနည်းငယ်ထည့်ပြီး သမအောင် လက်ဖြင့် မွှေထားပေးပါ။ ဆန်သားကို စီးနေတဲ့အထိ ဖြစ်အောင် နယ်ပေးရပါမယ်။

ပြီးလျှင် နှမ်းဖြူနှင့် နှမ်းနက်ကို မွှေးနေအောင် လှော်ပေးပါ။ ပြီးရင်တော့ မီးကို အလယ်အလတ်အပူပေးပြီး အဆက်မပြတ်မွှေထားပေးပါ။

ပြီးနောက် နှမ်းထောင်းဖို့အတွက် လှော်ပြီးသားနှမ်းများကို ငရုတ်ဆုံထဲထည့် ဆား၊ သကြားထည့်ပြီးထောင်းပေးပါ။ ညက်ရင်တော့ ပန်းကန်လုံးတစ်ခုထဲထည့်ထားပေးပါ။

ပြီးရင်တော့ ရေနွေးကို ပွက်ပွက်ဆူအောင် တည်ထားပါ။ ရေဆူလာရင်တော့ နှပ်ထားတဲ့ မုန့်များကို မုန့်အရွယ်တော်အလုံးလေးတွေဖြစ်အောင် လုပ်ပြီး ပွက်ပွက်ဆူနေတဲ့ရေထဲသို့ ထည့်ပေးပါ။

ကျက်ရင်တော့ အပေါ်ကို တက်လာပါလိမ့်မယ်။ တက်လာတဲ့ မုန့်များကို ဆယ်ယူပြီး ရေအေးထဲသို့ ထည့်ထားပေးပါ။ ပြီးလျှင် ဇကာဖြင့် ရေစစ်ပေးထားပါ။

ပြီးရင်တော့ မုန့်များကို ပန်းကန်တစ်ခုထဲထည့်ပြီး အပေါ်ယံမှ အုန်းသီးဖြူး၊ နှမ်းထောင်းဖြူးပြီး နှစ်ခြိုက်စွာ တည်ခင်းသုံးဆောင်နိုင်ပါပြီ။

Source: Food Industry


Read 94 times
Rate :
(0 votes)

Leave a comment

Make sure you enter the (*) required information where indicated. HTML code is not allowed.