Thursday, 10 October 2019 08:09

2019_3largeimg26_Tuesday_2019_124233485.jpg

E-စီးကရက်ဆိုသည်မှာ လျှပ်စစ်ပစ္စည်းကိရိယာတစ်ခုဖြစ်ပြီး ၎င်းအတွင်းသို့ ဆေးရည်တစ်မျိုးမျိုးကို ထည့်သွင်းအပူပေးရာမှတဆင့် လေထဲသို့ ဆေးလိပ်ငွေ့ကဲ့သို့သော အငွေ့များထုတ်လွှတ်ပေးနိုင်သော ဆေးလိပ်/ စီးကရက် ကဲ့သို့ အသုံးပြုသောက်သုံးသည့် ပစ္စည်းဖြစ်ပါသည်။

E-စီးကရက်သည် ပုံစံအမျိုးမျိုး၊ အရွယ်အစားအမျိုးမျိုး ရှိပါသည်။ (ဥပမာ - USB Flash Drive ပုံစံ) အတွင်းဘက်တွင် ပြန်လည်အားဖြည့်သွင်းနိုင်သော ဘက်ထရီ (သို့မဟုတ်) ဓာတ်ခဲ၊ အပူပေးပစ္စည်းနှင့် ဆေးရည်ထည့်သော နေရာတို့ ပါရှိပါသည်။

E-စီးကရက်အငွေ့တွင် ပါဝင်သော အန္တရာယ်ရှိပစ္စည်းများ

၁။ နီကိုတင်း၊
၂။ အငွေ့ပျံလွယ်သော အော်ဂဲနစ်ဒြပ်ပေါင်းများ၊
၃။ ကင်ဆာဖြစ်စေနိုင်သော ဓာတုပစ္စည်းများ၊
၎။ သာမန်မျက်စိဖြင့် မမြင်နိုင်သော အမှုန်များ၊
၅။ နီကယ်၊ သံဖြူ ၊ ခဲသား စသည့် သတ္တုပစ္စည်းများ၊
၆။ အဆုတ်ကို ဆိုရွားစွာ ထိခိုက်စေနိုင်သည့် ရနံ့အရသာပေးသော ဓာတုပစ္စည်းများ ပါဝင်သည်။

>>>ဆေးလိပ်မသောက်သော်လည်း အဆုတ်ကင်ဆာဖြစ်စေသည့်အချက် (၄) ချက်

E-စီးကရက်၏ ဘေးထွက်ဆိုးကျိုးများ

၁။ စီးကရက်အပါအဝင် အခြားဆေးလိပ်၊ ဆေးရွက်ကြီးထုတ်ကုန် ပစ္စည်းများကဲ့သို့ပင် သုံးစွဲသူကို စွဲလမ်းစေတတ်သော နီကိုတင်းဓာတ်များ လွန်ကဲစွာပါဝင်ပါသည်။
၂။ နောက်ဆက်တွဲဆိုးကျိုးများအနေနှင့် (အထူးသဖြင့် လူငယ်များတွင်) ဦးနှောက်ဖွံ့ဖြိုးမှုကို ထိခိုက်စေခြင်း၊ အာရုံစူးစိုက်နိုင်မှု ကျဆင်းလာခြင်း၊ သင်ယူနိုင်စွမ်းရည် နည်းပါးလာခြင်းတို့ ဖြစ်ပေါ်စေနိုင်ပါသည်။
၃။ E-စီးကရက်ငွေ့တွင် ပါဝင်သော ဓာတုပစ္စည်းများသည် ရေရှည်တွင် အဆုတ်ကိုထိခိုက်ပျက်စီးစေသကဲ့သို့ နောက်ဆက်တွဲကင်ဆာရောဂါများကိုလည်း ဖြစ်ပွားစေနိုင်ပါသည်။
၎။ E-စီးကရက်အတွင်းရှိ ဘက်ထရီချွတ်ယွင်းပြီး ပေါက်ကွဲခြင်းမှ ပြင်းထန်သော ထိခိုက်ဒဏ်ရာများ ရရှိနိုင်ပါသည်။
၅။ E-စီးကရက်အရည် (Vape) ကို မတော်တဆသောက်မိခြင်း၊ တိုက်ရိုက်ရှူမိခြင်း၊ မျက်စိထဲ ဝင်ရောက်ခြင်းနှင့် အရေပြားပေါ်ထိခြင်းတို့ကြောင့် အန္တရာယ်ဖြစ်စေပြီး ကလေးငယ်များတွင် အသက်ဆုံးရှုံးသည် အထိဖြစ်စေနိုင်ပါသည်။
၆။ E-စီးကရက်သောက်သုံးသူများထံမှ ထွက်လာသော အငွေ့များသည် ပတ်ဝန်းကျင်မှ လူအများကို ရှူရှိုက်မိစေပြီး အန္တရာယ်ဖြစ်စေပါသည်။
၇။ E-စီးကရက်ဆေးရည်အမျိုးမျိုး ထည့်သွင်းအသုံးပြုခြင်းအပြင် ဆေးခြောက်နှင့် အခြားမူးယစ်စေတတ်သော အရာများကိုပါ ထည့်သွင်းအသုံးပြုနိုင်သဖြင့် မူးယစ်ဆေးဝါး စွဲလမ်းမှုနှင့် နောက်ဆက်တွဲ ပြဿနာများကိုပါ ဖြစ်ပွားစေနိုင်ပါသည်။
၈။ စီးကရက် အပါအဝင် ဆေးလိပ်နှင့် ဆေးရွက်ကြီး ထုတ်ကုန်ပစ္စည်းများကဲ့သို့ ကျန်းမာရေးကို အလွန်ဆိုးဝါးစွာ ထိခိုက်စေနိုင်ပါသဖြင့် E-စီးကရက်သုံးစွဲခြင်းမှ လုံးဝ(လုံးဝ)ရှောင်ကြဉ်ကြပါရန် ကျန်းမာရေးနှင့်အားကစားဝန်ကြီးဌာနမှ တိုက်တွန်းနှိုးဆော်ထားပါသည်။

ဆေးလိပ်သောက်ခြင်းကြောင့် စွဲကျန်နေတဲ့ အနံ့ဆိုးတွေကို ဖြေရှင်းနိုင်မယ့် နည်းလမ်း ( ၄ ) ခု

ကျန်းမာရေးနှင့်အားကစားဝန်ကြီးဌာန

May Thu Thu


Read times
Rate :
(0 votes)

Leave a comment

Make sure you enter the (*) required information where indicated. HTML code is not allowed.