Friday, 16 August 2019 08:17

 

CC5AF3EE-9FB8-46B1-AB86-C4409412D8DD.jpeg

အဆီများပေမယ့် ကျန်းမာရေးအတွက် အကျိုးများတဲ့ စားစရာတွေကို ဖော်ပြပေးလိုက်ပါတယ်။ အချို့ အစားအစာတွေက အဆီများသလောက် ကျန်းမာရေးအတွက်လည်း အကျိုးများနေတတ်ပါတယ်။ကျန်းမာချင်တယ်ဆိုရင် ဒီအစားအစာတွေကို စားပေးဖို့ လိုအပ်ပါတယ်။

(၁) ထောပတ်သီး

ထောပတ်သီးက အခြားအသီးတွေနဲ့ မတူဘဲ အဆီပါဝင်မှုများပါတယ်။ ထောပတ်သီးမှာ အဆီပါဝင်မှုက ၇၇ ရာခိုင်နှုန်းအထိ ရှိပြီး အသားတွေမှာ ပါဝင်နေတဲ့ အဆီပမာဏထက် များနေပါတယ်။ ဒါပေမယ့် ထောပတ်သီးက ပိုတက်ဆီယမ်ပါဝင်မှု မြင့်မားသလို အမျှင်ဓာတ်ကြွယ်ဝစွာ ပါဝင်နေတာကြောင့် သွေးတွင်းက အကျိုးမပြု ကိုလက်စထရောကို ကျဆင်းစေနိုင်တာကြောင့် နှလုံးသွေးကြောဆိုင်ရာ ရောဂါတွေကို ကာကွယ်ဖို့ စားပေးသင့်ပါတယ်။ အကျိုးမပြု ကိုလက်စထရော ပမာဏကို ကျဆင်းစေနိုင်တဲ့ အာနိသင်ရှိ်ပါတယ်။

(၂) ချိစ်

အာဟာရကြွယ်ဝတဲ့ အစားအသောက် ရင်းမြစ်တစ်ခုပါ။ ချိစ်မှာ ကယ်လ်ဆီယမ်၊ ဗီတာမင် B12 ၊ phosphorus နဲ့ ဆီလီနီယမ်အပြင် အခြားသော အကျိုးပြု အာဟာရဓာတ်တွေ ပါဝင်နေပါတယ်။ ပရိုတင်းကြွယ်ဝစွာ ပါဝင်သလို fatty acid ပါဝင်နေတာကြောင့် အမျိုးအစား (၂) ဆီးချိုရောဂါမဖြစ်အောင် အထိရောက်ဆုံး ကာကွယ်ပေးနိုင်ပါတယ်။

>>> ကင်ဆာဖြစ်စေသော အစားအစာ (၇) မျိုး

(၃) အနက်ရောင် ချောကလက်

အနက်ရောင် ချောကလက်က အရသာရှိသလို ကျန်းမာရေးနဲ့လည်း ညီညွတ်တဲ့ အစားအစာတစ်ခုပေါ့။ အဆီပါဝင်မှုကတော့ ၆၅ ရာခိုင်နှုန်းအထိ ရှိပါတယ်။ အမျှင်ဓာတ်က ၁၁ ရာခိုင်နှုန်း ပါဝင်နေပြီး သံဓာတ်၊ မဂ္ဂနီဆီယမ်၊ ကော့ပါး နဲ့ မဂ္ဂနိ့တို့ ကြွယ်ဝစွာ ပါဝင်နေတာကြောင့် ခန္ဓာကိုယ်ရဲ့ ဇီဝကမ္မ ဖြစ်စဉ်တွေကို အကောင်းဆုံး ထောက်ပံ့ပေးနိုင်ပါတယ်။ ဦးနှောက်စွမ်းဆောင်ရည်ကို ကောင်းမွန်စေနိုင်ပြီး နေလောင်ဒဏ်ကြောင့် အရေပြား ထိခိုက်ပျက်စီးမှုကနေ ကာကွယ်ပေးပါတယ်။ တစ်ပတ်ကို အနက်ရောင် ချောကလက် ၅ ကြိမ်ထက် ပိုစားသုံးသူတွေက နှလုံးရောဂါဖြစ်နိုင်ခြေ ၅၀ ရာခိုင်နှုန်းလောက်အထိ လျှော့ချနိုင်ပါတယ်။ နှလုံးသွေးစီးဆင်းမှုကို ကောင်းစေနိုင်သလို နှလုံးကျန်းမာရေးကို အကောင်းဆုံး ထောက်ပံ့ပေးနိုင်ပါတယ်။ ဓာတ်တိုးဆန့်ကျင် အာနိသ ကြွယ်ဝတာကြောင့် အရွယ်မတိုင်ခင် အိုမင်းရင့်ရော်မှုမဖြစ်အောင် အကောင်းဆုံး ထောက်ပံ့ပေးနိုင်မှာပါ။

>>> သစ်သီးအမျိုးမျိုးအရောင်းဆိုင်များ

(၄) ဥအမျိုးမျိုး

တော်တေ်ာများများက ဥအမျိုးမျိုးကို ကျန်းမာရေးနဲ့ မညီညွတ်ဘူးလို့ ယူဆတတ်ကြပါတယ်။ ဥအမျိုျးမျိုးမှာ အနှစ်က နဲ့ အဆီများစွာ ပါဝင်နေတာကြောင့် ကျန်းမာရေးနဲ့မညီညွတ်ဘူး၊လို့ ယူဆသူတွေ ရှိနေကြပါတယ်။ ကြက်ဥတစ်လုံးမှာ ကိုလက်စထရော ၇၁ ရာခိုင်နှုန်း ပါဝင်နေပြီး အဆီက ၆၂ ရာခိုင်နှုန်းအထိ ပါဝင်နေပါတယ်။ တွေ့ရှိချက်အရတော့ ဥအမျိုးမျိုးမှာပါတဲ့ ကိုလက်စထရောက သွေးတွင်းကိုလက်စထရောအပေါ်မှာ သက်ရောက်မှုမရှိပါဘူး။ နောက်တစ်ခုက ဥအမျိုးမျိုးမှာ အမြင်အာရုံကို ကောင်းမွန်စေနိုင်တဲ့ ဗီတာမင် နဲ့ သတ္တုဓာတ်တွေ ပါဝင်နေပါတယ်။ ပရိုတင်းကြွယ်ဝစွာ ပါဝင်နေတာကြောင့် ဝိတ်ချနေသူတွေအတွက်တောင် စားသုံးပေးသင့်တဲ့ အစားအစာတစ်ခုပါ။ omega-3 လည်း ကြွယ်ဝတာကြောင့် ကြက်ဥ၊ဘဲဥတွေကို စားတဲ့အခါ အနှစ်ရော အကာကိုပါ စားပေးဖို့ လိုပါတယ်။

(၅) အဆီများတဲ့ငါး

တိရစ္ဆာန်တွေကနေရတဲ့ အဆီတွေက ကျန်းမာရေးနဲ့ မညီညွတ်ဘူးဆိုပေမယ့် ငါးတွေကနေ ရတဲ့အဆီကတော့ ကျန်းမာရေးနဲ့ ညီညွတ်ပါတယ်။ အဆီများတဲ့ငါးတွေကို စားသုံးပေးသင့်ပါတယ်။ ဆယ်လ်မွန်၊ ထရောက်ငါး၊ မက်ကာရယ်၊ ဆာဒင်းငါးတွေက နှလုံးကျန်းမာစေနိုင်တဲ့ omega-3 fatty acids ကြွယ်ဝစွာ ပါဝင်ပါတယ်။ ဒါကြောင့် ငါးတွေမှာပါတဲ့ အဆီတွေက နှလုံးကျန်းမာစေနိုင်သလို စိတ်ဓာတ်ကျတာနဲ့ အခြားအာရုံကြောဆိုင်ရာ ရောဂါတွေ ခံစားရနိုင်ခြေကို သိသိသာသာ လျှော့ချပေးနိုင်ပါတယ်။ နောက်တစ်ချက်က အဆီများတဲ့ ငါးတွေက ဗီတာမင် D ကိုလည်း ရရှိစေနိုင်ပါတယ်။

Hellosayarwon


Read times
Rate :
(0 votes)

Leave a comment

Make sure you enter the (*) required information where indicated. HTML code is not allowed.