Friday, 26 April 2019 07:02

6eee9cef32f7f18cecc8f9db6a2c7e09_L.jpg
တလောတကြီးနဲ့ လမ်းလျောက်တဲ့အခါ ဒါမှမဟုတ် လှေကား အတက်အဆင်းတွေမှာ ရုတ်တရက် ခြေထောက်ထုံပြီး လမ်းလျောက်မရတာတို့ ၊ ဘာဖြစ်လို့ဖြစ်မှန်းမသိတဲ့အခါမျိုးကို ဖြစ်ဖူးကြမယ်ထင်ပါတယ်။

ဒီလိုဖြစ်တာတွေက အကြောသေခြင်းကြောင့် ခြေကျခြင်းဖြစ်တယ်လို့ ခေါ်ပါတယ်။ ခြေကျခြင်းကတော့ ခြေချင်းဝတ်ကနေ ခြေဖဝါးအပိုင်းထိ လုပ်လို့မရတဲ့ ပြဿနာ တစ်ရပ်ဖြစ်ပါတယ်။ ဘာကြောင့် အကြောသေပြီး ခြေကျတဲ့ ပြဿနာဖြစ်တတ်တာလဲဆိုတာကို ပြောပြပေးသွားမှာ ဖြစ်ပါတယ်။

ဒူး ဒါမှမဟုတ် တင်ပဆုံမှာရှိတဲ့ အာရုံကြောတွေဟာ ခြေချင်းဝတ် ကြွက်သားတွေကို ထောက်အကူပြုတာဖြစ်တဲ့အတွက် အဆိုပါ အာရုံကြောများကို ထိခိုက်မှုတွေ ဖြစ်ပေါ်လာတဲ့အခါ အာရုံကြောများသေဆုံးသွားပြီး ခြေချခြင်း ဖြစ်ပေါ်စေတတ်ပါတယ်။ ဒါအပြင် ဒူး နဲ့ တင်ပဆုံ ခွဲစိတ်တဲ့သူတွေမှာ ပိုအဖြစ်များလေ့ရှိပါတယ်။ နောက်ထပ် အဖြစ်များနိုင်သူကတော့ ဆီးချိုသမားပဲ ဖြစ်ပါတယ်။ ဆီးချိုးဝေဒနာခံစားနေရတဲ့သူ တစ်ယေက်အနေနဲ့ ဆီးချို တအားတက်လာတဲ့အခါမှာ သူရဲ့ အာရုံကြောကို ထိခိုက်နိုင်တဲ့ အတွက် ဆီးချိုသမားတွေလည်း အကြောသေခြင်းကြောင့် ခြေကျခြင်းကို ဖြစ်စေနိုင်ပါတယ်။ ဒါ့အပြင် ထိမိ ၊ ခိုက်မိတဲ့အခါမှာလည်း ဖြစ်တတ်ပါတယ်။

အကြောသေခြင်းကြောင့် ခြေကျခြင်းမှာ အရေးပါတဲ့ အာရုံကြောလေးက Peroneal nerve (ပရိုနီရယ်လ် နာ့ဗ်) ပဲ ဖြစ်ပါတယ်။ Peroneal nerve (ပရိုနီရယ်လ် နာ့ဗ်) ဟာဆိုရင် ဒူးခေါင်း၏အနောက်ဘက်ကနေ ခြေချင်းဝတ်အထိ လျှောဆင်း သွားပါတယ်။ အားကစားလုပ်တဲ့အခါ ဒါမှမဟုတ် တစ်ယောက်နဲ့ တစ်ယောက် ထိမိခိုက်မိလို့ပဲ ဖြစ်ဖြစ် ၊ အက်ဆီဒင့် တစ်ခုခုကြောင့်ဘဲ ဖြစ်ဖြစ် ၊ ဒရွတ်တိုက်ပြီး လမ်းလျောက်တာမျိုးပဲ ဖြစ်ဖြစ် အဆိုပါ အာရုံကြောငယ်လေးတွေက တစ်နေနေရာမှာ ပျက်တောက်ခြင်း ဒါမှမဟုတ် အားနည်းသွားတဲ့အခါ ခြေကျခြင်းကို ဖြစ်ပေါ်စေပါတယ်။

ဒီလိုဖြစ်လာပြီရင် လမ်းလျောက်တဲ့အခါ ဒါမှမဟုတ် လှေကားတက်တဲ့အခါတွေမှာ ခြေထောက် မ ပြီး လမ်းလျောက်ရတာမျိုးကို ဖြစ်စေနိုင်ပါတယ်။  ထိခိုက်ဒဏ်ရာ မရှိခြင်း ဒါမှမဟုတ် ဆီးချိုလဲမရှိပဲနဲ့ ဖြစ်လာခဲ့ပြီးဆိုရင် ဆီးချိုရှိမရှိကို စစ်ဆေးဖို့လိုပါတယ်။ နောက်ဆုံး ခြေကျခြင်းဖြစ်လာတာက တခြားသောရောဂါ လက္ခဏာ၏ ရှေ့ပြေး လက္ခဏာများဖြစ်နိုင်တာကြောင့် ခြေထောက်ကို ခဏ အနားပေးပြီး နီးစပ်ရာဆရာဝန်ထံ သွားရောက် ပြသဖို့ လိုပါတယ်။

ဆရာဝန်ထံ ပြသတဲ့အခါ မိမိဖြစ်သွားတဲ့ အကြောင်းစုံကို သေချာရှင်းပြဖို့ လိုပါတယ်။ အဆိုပါခြေကျခြင်းက လူတိုင်းလိုလိုတော့ မဖြစ်ဘူး။ ဒါပေမယ့် ဖြစ်တတ်တယ် ၊ ဖြစ်လေ့ဖြစ်ထရှိတတ်တယ်။ ဒါကြောင့် အထူးဂရုစိုက်ဖို့ နဲ့ သတိရှိဖို့လည်း လိုအပ်ပါတယ်။

Dr. နှင်းလဲ့ခင်


Read 116 times
Rate :
(0 votes)

Leave a comment

Make sure you enter the (*) required information where indicated. HTML code is not allowed.