Thursday, 24 January 2019 08:59

လူတိုင်း မနက်မိုးလင်ရင် မနက်စာကို စားသုံးကြရပါတယ်။ မနက်စာဟာ လူတွေအတွက် အရေးကြီးတဲ့ ပထမဆုံး အစားချိန်တစ်ခု ဖြစ်ပါတယ်။ မနက်စာစားပြီး နေ့တစ်နေ့အတွက် ခွန်အားတွေကို ဖြည့်ဆည်းကာ အလုပ်လုပ်ကြရတာ ဖြစ်ပါတယ်။ ဒါကြောင့် လူတိုင်းအတွက် မနက်စာဟာ အာဟာရပြည့်ဝတဲ့ အစားအစာဖြစ်စေဖို့ လိုအပ်ပါတယ်။ ကြက်ဥဟာ မနက်စာအတွက် အာဟာရပြည့်ဝစေတဲ့ အစားအစာတစ်ခုအဖြစ် ကျန်းမာရေး အကျိုးကျေးဇူးများပုံကို လေ့လာသူတွေက အခုလို ဖော်ပြထားကြပါတယ်။

30314_RecipeImage_620x413_breakfast_scotch_eggs.jpg

ကြက်ဥဟာ ဗိုက်ပြည့်စေပြီး အဆာခံပါတယ်

ကြက်ဥမှာပါတဲ့ ပရိုတင်းနဲ့ အသားဓာတ်တွေက လူတွေအတွက် စွမ်းအင်တွေကို သိုလှောင်ထိန်းသိမ်းပေးသလို အဆာခံစေပြီး ဗိုက်ပြည့်တင်းစေပါတယ်။ မနက်စာစားတဲ့အခါ ကြက်ဥလေးတစ်လုံးလောက် ပါဝင်ဖြည့်စွက်လိုက်ခြင်းဖြင့် နေ့လည်စာစားချိန်မတိုင်မှီ စောစီးစွာ ဆာလောင်ခြင်းတို့ ကင်းဝေးစေပါတယ်။

ကိုယ်အလေးချိန်ကို ပုံမှန်ဖြစ်စေပါတယ်

လေ့လာသူတို့ရဲ့ တွေ့ရှိချက်အရ မနက်စာကို ကြက်ဥလေးနဲ့ ပုံမှန်စားသူတွေဟာ ပေါင်မုန့်တွေ၊ ဂျုံတွေကို စားသုံးသူတွေနဲ့ နှိုင်းစာရင် ကိုယ်အလေးချိန်မတက်ဘဲ ဝိတ်ကျစေကြောင်း ဖော်ပြထားကြပါတယ်။

ကြက်ဥမှာ ပရိုတင်းဓာတ် ကြွယ်ဝစွာ ပါဝင်ပါတယ်

ကြက်ဥမှာ အကြွယ်ဝဆုံးအရာက ပရိုတင်းဓာတ်ဖြစ်ပြီး အသားဓာတ်ဖြစ်စေတဲ့ အမီနိုအက်စစ် ပေါများစွာ ပါဝင်နေခြင်းဘဲ ဖြစ်ပါတယ်။

လွယ်ကူသက်သာစွာ စားသုံးနိုင်ခြင်း

ကြက်ဥဟာ လူတိုင်းစားနိုင်တဲ့ အစားအစာတစ်မျိုးဖြစ်သလို အနီရောင် အသားတွေလိုမျိုး ပရိုတင်းဓာတ်ကြွယ်ဝစွာ ပါဝင်ပါတယ်။ ဈေးသက်သက်သာသာနဲ့ အလွယ်တကူ ဝယ်ယူစားသုံးနိုင်တဲ့ အာဟာရဓာတ်ပြည့်ဝတဲ့ အစားအစာဖြစ်တာကြောင့် မနက်စာအတွက် အထူးသင့်တော်ခြင်းဘဲ ဖြစ်ပါတယ်။

ကြက်ဥက ဦးနှောက်နဲ့ မှတ်ဥာဏ်စွမ်းအားကို ဖွံ့ဖြိုးစေပါတယ်

ကြက်ဥမှာ လူတွေအတွက် မရှိမဖြစ်လိုအပ်တဲ့ အာဟာရတစ်မျိုး ပါဝင်နေတာကို တွေ့ရပြီး အဲဒီအာဟာရဓာတ် တစ်မျိုးဟာ ဦးနှောက်ကို များစွာ ဖွံ့ဖြိုးစေကြောင်း လေ့လာတွေ့ရှိသူတွေက ဖော်ပြထားပါတယ်။

မျက်စိအမြင်အားကို ကောင်းစေပါတယ်

ကြက်ဥမှာ ပါဝင်တဲ့ အာဟာရဓာတ်နှစ်မျိုးဟာ မျက်လုံးအမြင်အာရုံ ပျက်စီးမှုတို့ကို ကာကွယ်ပေးပြီး ကြက်ဥကို စားပေးခြင်းဖြင့် အသက်အရွယ် ကြီးရင့်လာတဲ့အခါ ကြုံတွေ့ရတဲ့ အမြင်အာရုံ ချို့တဲ့ခြင်းကို လျော့ကျကင်းဝေးစေနိုင်ကြောင်း ဖော်ပြထားကြပါတယ်။

source; photutaw


Read times Last modified on Thursday, 24 January 2019 10:01
Rate :
(0 votes)

Leave a comment

Make sure you enter the (*) required information where indicated. HTML code is not allowed.