Friday, 30 June 2017 10:02

coffee
ကော်ဖီချစ်သူတွေအနေနဲ့ ကော်ဖီကို ကျန်းမာရေးနဲ့ ညီညွတ်အောင် သောက်တတ်ဖို့တော့ လိုပါတယ်။ ဒီတော့ ကျန်းမာရေးအတွက် အကူအညီဖြစ်အောင် ကော်ဖီကို ဘယ်လိုသောက်မလဲဆိုတာကို လေ့လာကြည့်ကြရအောင်။
သဘာဝအော်ဂဲနစ်နည်းနဲ့ စိုက်ပျိုးထားတဲ့ ကော်ဖီကို ရွေးချယ်ပါ။

ကော်ဖီအနံ့နဲ့ အရသာမှုန့်တွေ ထည့်ထားတဲ့ ကော်ဖီမစ်ထုပ်တွေထက် သဘာဝနည်းနဲ့ စိုက်ပျိုးထုတ်လုပ်ထားတဲ့ ကော်ဖီမှုန့်စစ်စစ်က ကျန်းမာရေးအတွက် ပိုကောင်းစေတယ်နော်။ ဒေသထွက် ကော်ဖီမှုန့်စစ်စစ်ကို ဆိုင်ကြီးတွေမှာ ဝယ်ယူနိုင်ပါတယ်။
သကြားမထည့်ဘဲ ဖျော်သောက်ပါ။
သကြားမပါတဲ့ ကော်ဖီပူပူခါးခါးလေး တစ်ခွက်က ကျန်းမာရေးနဲ့ ပိုသင့်တော်ပါတယ်။ ကော်ဖီအရမ်းခါးလို့ မသောက်နိုင်သူတွေအနေနဲ့ Creamer လိုမျိုး အဆီထုတ်ထားတဲ့ နို့နဲ့ ရောစပ်သောက်လို့ ရတယ်လေ။ သကြားထည့်သောက်တာထက် ပိုအန္တရာယ်ကင်းသလို ခါးဆိမ့်ဆိမ့်နဲ့ စိတ်ကို ကြည်လင်လန်းဆန်းစေမယ့် ကော်ဖီအရသာကို တကယ်ပေးနိုင်ပါတယ်နော်။
ကော်ဖီစေ့ဝယ်ပြီး အိမ်မှာ ကြိတ်စက်နဲ့ ကိုယ်တိုင် ကြိတ်သောက်ပါ။
ပတ်ဝန်းကျင် လေထုက အောက်ဆီဂျင်နဲ့ အစိုဓာတ်တွေက လတ်ဆတ်မှုရဲ့ ရန်သူဖြစ်သလို ဓာတ်တိုးဆန့်ကျင်အစွမ်းရဲ့ ရန်သူလည်း ဖြစ်ပါတယ်။ ဒါကြောင့် ကော်ဖီစေ့ကို ဝယ်ပြီး ကြိတ်စက်နဲ့ ခုကြိတ်၊ ခုဖျော်၊ ခုနှပ်သောက်တာက ပိုကျန်းမာစေတဲ့ ကော်ဖီသောက်နည်းတစ်မျိုးပါ။
တစ်နေ့တာအတွက် ကော်ဖီတစ်ခွက်ပဲ သောက်ပါ။
တကယ်လို့ သင်ဟာ တစ်နေ့ကို ကော်ဖီ ၅ ခွက်နဲ့အထက် သောက်တတ်သူဆိုရင် သင့်ကျန်းမာရေးအတွက် မကောင်းတော့ဘူးနော်။ တတ်နိုင်ရင် တစ်နေ့တာ အတွက် ကော်ဖီတစ်ခွက်ပဲ သောက်တာက ကျန်းမာရေးအတွက် အကောင်းဆုံးပါပဲ။
အစာစားပြီးမှ ကော်ဖီသောက်ပါ။
သကြားမပါတဲ့ ကော်ဖီတစ်ခွက်က ပန်ကရိယကို လှုံ့ဆော်ပေးပြီး အင်ဆူလင် ထွက်စေလို့ ကျန်းမာရေးအတွက် ကောင်းပါတယ်။ အစာမရှိဘဲ သောက်ရင်တော့ သွေးတွင်း သကြားဓာတ်ကို ရုတ်တရက် ကျဆင်းစေပြီး ဆာလောင်ငတ်မွတ်ခြင်းကို ဖြစ်စေပါသတဲ့။ အစာစားပြီးမှ ကော်ဖီသောက်ရင်တော့ သွေးတွင်းသကြားဓာတ် ကို ကော်ဖီက ထိန်းညှိပေးနိုင်ပါတယ်။
Azure
Read More About Health Articles Here


Read 258 times Last modified on Friday, 30 June 2017 10:13
Rate :
(0 votes)

Leave a comment

Make sure you enter the (*) required information where indicated. HTML code is not allowed.