Thursday, 17 October 2019 08:02

Bay-Din.jpg

ဆရာစံဇာဏီဘို၏ ခုနှစ်ရက်သားသမီးများအတွက် တစ်ပတ်စာကံကြမ္မာကို ဖော်ပြပေးလိုက်ပါသည်။

တနင်္ဂနွေနေ့ မွေးသူများ

စိတ်ချမ်းမြေ့စရာများ တစ်မျိုးပြီးတစ်မျိုး ကြုံနိုင်သည်။ ကံအခွင့်အရေး အသစ်ပွင့်မည်။ ရည်မှန်းချက်လက်တွေ့ အကောင်အထည်ဖော်နိုင်မည်။ အိုးအိမ်ကိစ္စ၊ နေရာထိုင်ခင်းကိစ္စ ပြောဆိုဆောင်ရွက်အောင်မြင်မည်။ မိမိအား အမျိုးမျိုးဒုက္ခပေးသည့်သူများ ရန်ဘေးမှ ကင်းလွတ်မည်။ အခြေအနေအရပ်ရပ်ကြောင့် ရှေ့တိုးနိုင်ခြင်း မရှိ။
ယတြာ ။ ။ တနင်္ဂနွေနေ့တွင် ဘုရားတွင် ဆီမီးလှူဒါန်းပူဇော်ပါ။

တနင်္လာနေ့ မွေးသူများ

ငွေကြေးစီးပွား၊ လုပ်ငန်းတိုးတက်အောင်မြင်မှုများ ရရှိမည်။ မိမိအပေါ်အနိုင်ယူ စိုးမိုးထားသူများကိုပင် ပြန်လည်စိုးမိုးနိုင်သော အနေအထားရှိသည်။ တစ်ပါးသူ မတွေးမမြင်သော ရှုထောင့်များကို စိတ်ကူးထဲပေါ်လာပြီး ဆောင်ရွက်ရာမှ ထူးခြားတိုက်ဆိုင်စွာ ငွေကြေးအလုံးအရင်းဝင်ခြင်းများ ဖြစ်မည်။
ယတြာ ။ ။ တနင်္လာနေ့တွင် ခရမ်းရောင်သစ်ခွ မိမိနံဘေးတွင် စိုက်ပျိုးထားရှိပါ။

အင်္ဂါနေ့ မွေးသူများ

မူလမှန်းထားသည်ကတစ်မျိုး၊ လက်တွေ့ဆောင်ရွက်သောအခါ၌ ဖြစ်နိုင်ခြေမရှိသောကြောင့် လမ်းကြောင်းကူးပြောင်း၍ ဆောင်ရွက်ရာမှ တစ်စတစ်စ အပြောင်းအလဲများဖြစ်ပေါ်လာပြီး ဦးတည်ချက်အသစ်သို့ပင် ရှေးရှုမည့်ကိန်းကြုံမည်။ ပတ်ဝန်းကျင်သစ်နှင့် ဆက်ဆံရမည်။ ရင်းနှီးသူများနှင့် စကားများရမည်။ ဆွေမျိုး၊ မောင်နှမသားချင်းအတွက် စိတ်ပင်ပန်းဖြစ်တတ်သည်။
ယတြာ ။ ။ အင်္ဂါနေ့တွင် ဇွန်ပန်းပွင့် အနီးအပါးထားရှိပါ။

ဗုဒ္ဓဟူးနေ့ မွေးသူများ

နေရာသစ် ပုံစံသစ်များနှင့် ထိတွေ့ရမည်။ မူလရည်ရွယ်ထားခြင်းမရှိဘဲ ရုတ်တရက်ပေါ်ပေါက်လာသည့် အခြေအနေကို အသုံးချပြီး ဆောင်ရွက်သည့်ကိစ္စများမှ ထူးခြားစွာအောင်မြင်ခြင်းကြုံမည်။ သူတစ်ပါးကြောင့် ပျက်ယွင်းခဲ့သည့် အလုပ်အကြံအစည်များ ပြန်လည်အောင်မြင်အောင် ဆောင်ရွက်နိုင်မည်။
ယတြာ ။ ။ ဗုဒ္ဓဟူးနေ့တွင် လက်ဖက် အလှူဒါနပြုပါ။

သင့်အိမ်ကို လာဘ်တိတ်ခြင်းနဲ့ ဘုန်းကံနိမ့်ခြင်း ကင်းဝေးအောင် ဒါတွေကို ရှောင်ပါ။

ရာဟု (ဗုဒ္ဓဟူးမွန်းလွဲ) မွေးသူများ

စိတ်ကူးရည်ရွယ်ထားပြီး လက်တွေ့ဆောင်ရွက်ရန် မဝံ့မရဲဖြစ်နေသည့်ကိစ္စများကို ပြီးမြောက်အောင်မြင်အောင် လက်တွေ့အကောင်အထည် ဖော်နိုင်သည့်ကာလဖြစ်သည်။ ရန်၊ အပြိုင်အဆိုင်နှင့်ယှဉ်၍ လုပ်ငန်းစီးပွား ဆောင်ရွက်ရမည်။ လက်လွန်ထားသည့်ငွေများ၊ ရသင့်လျက် ကြန့်ကြာနေသည့် ရပိုင်ခွင့်များ ပြန်လည်ရရှိမည်။
ယတြာ ။ ။ ဗုဒ္ဓဟူးမွန်းလွဲတွင် ဝါးတူအဟောင်းများ ရှာဖွေစွန့်ပစ်ပါ။

ကြာသပတေးနေ့ မွေးသူများ

မိသားစုတွင် အလုပ်စီးပွားတိုးတက်ခြင်း၊ ငွေကြေးကံကောင်းခြင်းရှိမည်။ ခရီးလမ်းတွင် ကြန့်ကြာခြင်း၊ ဘေးအန္တရာယ်ကြုံခြင်းရှိက အလွန်ကောင်းသည်။ ထိုကဲ့သို့ အညံ့ကြုံပြီး လိုရာရောက်သောအခါတွင် မူလရည်မှန်းစိတ်ကူး စီစဉ်ထားသည်ထက်ပို၍ အဆင်ပြေမည်။ ပြိုင်ဘက် အားလုံးအပေါ်အနိုင်ယူ အောင်မြင်မည့်ကာလ ဖြစ်ပါသည်။
ယတြာ ။ ။ ကြာသပတေးနေ့တွင် မီးရထားပုံစံငယ် အနီးအပါးတွင် ထားရှိပါ။

သောကြာနေ့ မွေးသူများ

တစ်စုံတစ်ရာမှမရှိဘဲ လက်လွတ်ဆုံးရှုံးနေရာမှ မထင်မှတ်ဘဲ အလုပ်အခွင့်ကောင်းကြီးရမည်။ အလုပ်လက်ခံပြီး ဆောင်ရွက်နေဆဲ ပိုကောင်းသော လုပ်ငန်းအခွင့်အရေးရမည်။ အပြောင်းအလဲပြုရန်အတွက် လူမှုရေးရှုထောင့်မှ တွက်ဆဝန်လေးမှုမရှိပါနှင့်။ ပိုကောင်းသောလမ်းကြောင်းသို့ ဦးတည်လိုက်ပါ။
ယတြာ ။ ။ သောကြာနေ့တွင် သင်္ဘောသီးမှည့် ဘုရားကပ်လှူပါ။

စနေနေ့ မွေးသူများ

အဆုံးသတ်ခါနီးကိစ္စများ၊ အပြီးသတ်ဆောင်ရွက်ရမည့် အကြောင်းအရာများတွင် နှောင့်နှေးခြင်း၊ တစ်ပိုင်းတစ်စဖြစ်ခြင်းကြုံမည်။ ကတိစကား မတည်သူများနှင့်ကြုံမည်။ သစ္စာမရှိသောသူများ မိမိအား ဒုက္ခပေးမည်။ ပစ္စည်းပျောက်တတ်သည်။ ခရီးနှင့်ပတ်သက်သော ကံကောင်းသည်။
ယတြာ ။ ။ စနေနေ့တွင် ဒန်းညွန့်ခုနစ်ညွန့် ဘုရားကပ်လှူပါ။

သိလိုသည်များကိုလဲ ဖုန်းဆက်၍ စုံစမ်းမေးမြန်းနိုင်ပါသည်။

ဆရာစံဇာဏီဘို (ဖုန်း-ဝ၁၃၆၄၁၆၃၉၊ ဝ၉၇၃၁၇၀၇၉၉)

အခြားဗေဒင်နှင့် လက္ခဏာဆရာများ >>>https://bit.ly/2m0YYZ7


Read times
Rate :
(1 Vote)

Leave a comment

Make sure you enter the (*) required information where indicated. HTML code is not allowed.