Wednesday, 10 July 2019 09:53

 

maxresdefault_5.jpg

ဆရာစံဇာဏီဘို၏ ခုနှစ်ရက်သားသမီးများအတွက် တစ်ပတ်စာကံကြမ္မာကို ဖော်ပြပေးလိုက်ပါသည်။

တနင်္ဂနွေနေ့မွေးသူများ

သဘောထားကွဲလွဲမှုများ ဖြစ်ပေါ်မည်။ ရွေးချယ်ရန် လမ်းနှစ်သွယ်တွင် သူတစ်ပါးမကြိုက်သောလမ်းကို ရွေးလိမ့်မည်။ မှန်ကန်သည်။ ပိုမိုတိုးတက်မည်။ ယခင်က စိတ်ကူးသာရှိပြီး လက်တွေ့မလုပ်ရသေးသောကိစ္စများ လုပ်ကိုင်အောင်မြင်မည်။ ပိတ်နေသောလမ်းစများ ပြန်ပွင့်မည်။ မိသားစုတွင် ငွေလွန်ထားသည်များ ပြန်ရမည်။ ထူးခြားသော အမျိုးသမီးကြီးတစ်ဦးနှင့် တွေ့မည်။
ယတြာ ။ ။ တနင်္ဂနွေနေ့တွင် အုန်းနို့သာကူ ဝယ်ယူလှူဒါန်းပါ။

တနင်္လာနေ့မွေးသူများ

သံယောဇဉ်ကြီးသောသူများနှင့် ခေတ္တခွဲနေရကိန်းကြုံမည်။ အရာရာအဆင်ပြေမလိုနှင့် နှောင့်နှေးနေမည်။ ထူးခြားသောအခွင့်အလမ်းများ၊ ထင်ရှားသော အခွင့်အလမ်းများ ထင်ရှားတိုးတက်မှုများ မြင်လျက်၊ တွေ့လျက် လက်တွေ့ဆောင်ရွက်နိုင်သောစွမ်းအား လျော့နည်းနေသည်။ မလိုလားအပ်သော သံယောဇဉ်အနှောင်အဖွဲ့များ၊ အားနာရမှုများကြောင့် ကိုယ်လုပ်ချင်တာ မလုပ်နိုင်သော အနေအထားကြုံမည်။

ယတြာ ။ ။ တနင်္လာနေ့တွင် ကံ့ကော်ညွှန့် ဘုရားကပ်လှူပါ။

အင်္ဂါနေ့မွေးသူများ

အရာရာ လမ်းရိုးအတိုင်းလုပ်ပါ။ လမ်းသစ်ထွင်၍ စွမ်းအင်အပြည့်နှင့် လုပ်ပါက ဝိုင်းဝန်းဝေဖန် တိုက်ခိုက်မှုများကြုံမည်။ ကြောင်လက်သည်းဝှက်ပမာ နေရမည့်ကာလဖြစ်ပါသည်။ မိမိသိသည် တတ်သည်နှင့် ဆန့်ကျင်၍ လုပ်ရမည့်ကာလဖြစ်ပါသည်။ ထူးခြားသော အပြောင်းအလဲသစ်များ ပေါ်ထွန်းမည်။ အညံ့ကြုံပြီး အကောင်းဘက်သို့ ဦးတည်ခြင်းရှိမည်။ ကျန်းမာရေးညံ့နေစဉ် ငွေဝင်မည်။
ယတြာ ။ ။ အင်္ဂါနေ့တွင် ဆေးဝါးအလှူဒါနပြုပါ။

>>> ဗေဒင်နှင့် လက္ခဏာဆရာများ

ဗုဒ္ဓဟူးနေ့မွေးသူများ

လုပ်ရင်းကိုင်ရင်း အင်အားပြတ်၊ ငွေပြတ်သွားရာမှ ဆက်လုပ်ရန် အရင်းအနှီးငွေ တစ်နည်းနည်းဖြင့် ပြန်ပေါ်မည်။ ကြုံတွေ့နေသောဖြေရှင်းစရာများကို ပြေလည်အောင် ဆောင်ရွက်ကူညီသူ တွေ့မည်။ စောင့်ဆိုင်းခြင်း၊ သည်းခံခြင်း၏ ကောင်းသောအကျိုးဆက်ကို ရနိုင်သောကာလ ဖြစ်ပါသည်။ မျှော်လင့်စောင့်စားနေသောအရာများ လက်ဝယ်ရရှိမည်။

ယတြာ ။ ။ ဗုဒ္ဓဟူးနေ့တွင် လက်ဖက်ရည်သောက်သုံးပါ။

ရာဟု (ဗုဒ္ဓဟူးမွန်းလွဲ) မွေးသူများ

မကောင်းသောကိစ္စများလုပ်ရာတွင် အလွန်စွမ်းသလောက် ကောင်းမှုပြုရာတွင် အနှောင့်အယှက်များ ရှိနေသည်။ အေးချမ်းနေသော မိသားစု ဝန်းကျင်အတွင်း ရုတ်တရက် အပူသောက ဝင်တတ်သည်။ သဘောတူညီမှုရပြီးသောကိစ္စများ ပြန်လည်ပြင်ဆင်သတ်မှတ်ခြင်း ကြုံမည်။ ကိုယ်ရထားသည်များကို လုယူလိုသောသူပေါများမည်။ အရောင်းအဝယ် ငွေကြေးပစ္စည်း လက်လွှဲလက်ပြောင်းများကို သတိနှင့်ဆောင်ရွက်သင့်သောကာလ ဖြစ်ပါသည်။

ယတြာ ။ ။ ဗုဒ္ဓဟူးမွန်းလွဲပိုင်းတွင် လက်ဖက်ခြောက်အလှူဒါန ပြုပါ။

ကြာသပတေးနေ့မွေးသူများ

ပညာအတတ်နှင့် ပတ်သက်သောကံ ကောင်းမည်။ ကြန့်ကြာနေသော ရပိုင်ခွင့်များ လက်ဝယ်ပြန်လည်ရရှိမည်။ အပြောင်းအလဲနှင့် ခရီးကောင်းသည်။ ပစ္စည်းပျောက်တတ်သည်။ လိမ်ညာခံရတတ်သည်။ မိသားစုတွင် ကား၊ ခြံ ဝယ်လို၊ လဲလိုနေမည်။ အလုပ်တိုးချဲ့လိုမည်။ လုပ်ငန်းတွင် အထေ့ထေ့အငေါ့ငေါ့ ကြန့်ကြာပြီးမှ အဆင်ပြေမည်။ ပစ္စည်းများဝယ်ယူပါက သတိနှင့်ဝယ်ပါ။

ယတြာ ။ ။ ကြာသပတေးနေ့တွင် မြေပေါ်တွင် ဆန်ကြဲပက်၍ ကြက်၊ ငှက်တို့ကို အစာကျွေးပါ။

သောကြာနေ့မွေးသူများ

ဘဝရည်မှန်းချက်များ ပြည့်စုံမည်။ ငွေကြေးနှင့် ပတ်သက်သောကံ ကောင်းမည်။ မိသားစုတွင် အလုပ်၊ စီးပွားတိုးတက်မည်။ စိတ်ချမ်းမြေ့စရာများ ကြုံမည်။ အမျိုးသမီးအကြီးအကဲ အထောက်အကူရမည်။ မိခင်ဖြစ်စေ၊ မိခင်၏ဆွေမျိုးမိတ်ဆွေများဖြစ်စေ ကောင်းကျိုးပေးမည်။ အခက်အခဲကင်းစင်မည်။ စိတ်ကူးရည်ရွယ်ချက်များ အပြည့်အဝလုပ်၍ တိုးတက်မည်။

ယတြာ ။ ။ သောကြာနေ့တွင် သရက်သီးဒါနပြုပါ။

>>> မိဘများ သတိပြုသင့်သည့် သက်ငယ်မုဒိန်းမှု ဖြစ်စေတတ်သော အခြေအနေများ

စနေနေ့မွေးသူများ

ကိုယ်လုပ်ထားသည်များ ပြည့်စုံနေသည်။ လမ်းကြောင်း မှန်ကန်နေသည်။ သူတစ်ပါးပြောသည်ကို နားယောင်ပြီးလုပ်ပါက ကမောက်ကမ ဖြစ်မည်။ အလွန်အရေးကြီးသောကာလဖြစ်သည်။ ရှေ့ရက်ပိုင်းအတွင်း ကိုယ်တိုင်တွင်ဖြစ်စေ၊ မိသားစုတွင်ဖြစ်စေ အရေးကြီးသောကိစ္စများ ဆောင်ရွက်ရန်ကြုံမည်။ အစာအိမ်ဂရုစိုက်ပါ။ အသွားအလာသတိရှိပါ။

ယတြာ ။ ။ စနေနေ့တွင် ထီးနီနှစ်လက် ကြက်ခြေခတ်၍ ဘုရားကပ်ပါ။

သိလိုသည်များကိုလဲ ဖုန်းဆက်၍ စုံစမ်းမေးမြန်းနိုင်ပါသည်။

ဆရာစံဇာဏီဘို (ဖုန်း-ဝ၁၃၆၄၁၆၃၉၊ ဝ၉၇၃၁၇၀၇၉၉)


Read times
Rate :
(0 votes)

Leave a comment

Make sure you enter the (*) required information where indicated. HTML code is not allowed.