Friday, 05 July 2019 08:24

 

myanmar-wedding-photographer-4-1600x1080.jpg

မင်္ဂလာဆောင်ကြမယ့် ချစ်သူစုံတွဲတွေအတွက် မင်္ဂလာဆောင်ပွဲကျင်းပဖို့ လရွေးနေတယ်ဆိုရင် လူကြီးတွေပြောတဲ့ ဆောင်ရမယ့်လ ၊ မဆောင်ရမယ့်လလေးတွေကို သိရှိအောင် ဖော်ပြပေးလိုက်ပါတယ်။

မင်္ဂလာဆောင်ပွဲလေး ကျင်းပတော့မယ်ဆိုရင် ဘယ်စုံတွဲမဆို နေ့ကောင်းရက်သာ ရွေးကြတယ်ဟုတ်။

စုံတွဲလေးတို့ရဲ့ နှစ်ဖက်မိဘကလည်း မင်္ဂလာဆောင်ပွဲလေး ကျင်းပမယ့် ရက်၊ လ တွေ ရွေးတဲ့အခါမှာ ဘယ်လမှာပဲ ဆောင်၊ ဘယ်လတော့ မဆောင်နဲ့ဆိုပြီး အကြံဥာဏ်ပေးတာမျိုးလည်း ရှိမှာပါ။

တချို့ကတော့ ဝါတွင်း (၃) လကလွဲပြီး ကျန်တဲ့လတွေ ဆောင်ကြပေမယ့် တချို့ကတော့ ဘယ်လမှာ ဆောင်ရင်ဘယ်လိုကောင်းကျိုးလေးတွေ ရှိတယ်ဆိုပြီး ရွေးချယ်ဆောင်လေ့ ရှိကြပါတယ်။

စုံတွဲလေးတို့လည်း လအလိုက် ရွေးချယ်ချင်တယ်ဆိုရင် ရွေးလို့အဆင်ပြေအောင် ဖော်ပြပေးလိုက်ပါတယ်။

ဝါတွင်း (၃) လ

ဝါတွင်း (၃) လ ကတော့ လက်ထပ်ပွဲကျင်းပဖို့ရှောင်ကြတဲ့ လပါပဲနော်။ ဝါတွင်း (၃) လမှာ မင်္ဂလာပွဲလေး ကျင်းပမယ်ဆိုရင်တော့ ဘေးရောက်တာ၊ ဆင်းရဲတာ၊ ပူပင်ရတတ်တာမျိုး ဖြစ်တတ်ကြပါတယ်။

အဲဒီအချက်တွေကြောင့် အောက်ပါ ဝါတွင်း (၃) လကတော့ ရှောင်ကြပါတယ်။

ဂျူလိုင်လ (ဝါဆို)
သြဂုတ် (ဝါခေါင်)
စက်တင်ဘာ ( တော်သလင်း ) လတို့ဘဲ ဖြစ်ပါတယ်။

>>> မင်္ဂလာပွဲနှင့် အခမ်းအနားပြင်ဆင်မှုလုပ်ငန်းများ

မင်္ဂလာပွဲ ပြုလုပ်သင့်တဲ့ လတွေကတော့

ဇွန်လ (နယုန်) မှာ ထိမ်းမြားလက်ထပ်မယ်ဆိုရင် မေတ္တာအရှည်မြဲတတ်ပါတယ်။
အောက်တိုဘာ ( သီတင်းကျွတ်) ကတော့ သားသမီးပေါများတတ်ပြီး ဝါကျွတ်လ ဖြစ်တာကြောင့် မင်္ဂလာပွဲ ပြုလုပ်သင့်တဲ့ လတစ်လပါပဲ။
ဖေဖော်ဝါရီလ (တပို့တွဲလ) နဲ့ ဧပြီ (တန်ခူးလ) ကတော့ ဥစ္စာပစ္စည်း ကြွယ်ဝတတ်ပါတယ်။
မေ (ကဆုန်လ) ကတော့ စီးပွားတိုးတက်စေမယ့် လတစ်လ ဖြစ်ပြီး
နိုဝင်ဘာ (တန်ဆောင်မုန်းလ) ကတော့ ချမ်းသာသုခ ရရှိစေမယ့် လတွေပါ။

ဒါကြောင့် အတိတ်နိမိတ်ကောင်းဆောင်ချင်တယ်ဆိုရင်တော့ ဒီလတွေမှာ မင်္ဂလာပွဲ ကျင်းပပါ။

>>> သင့်ရဲ့ အိမ်ဧည့်ခန်းလေး သပ်ရပ်လှပနေစေဖို့

မင်္ဂလာပွဲ မပြုလုပ်သင့်တဲ့ လတွေကတော့

မတ်လ( တပေါင်းလ) ကတော့ ကိုယ်စိတ်ဆင်းရဲတတ်ခြင်း၊
ဇန်နဝါရီ ( ပြာသိုလ) ကတော့ စီးပွားပျက်တတ်ခြင်း၊
ဒီဇင်ဘာ(နတ်တော်လ) မှာတေ့ာ ဘေးရောက်တတ်တယ်ဆိုပြီး ရှေးလူကြီးတွေက အယူရှိပါတယ်။

အတိအကျ ရှောင်ချင်တယ်ဆိုရင်တော့ ဒီလတွေမှာ ရှောင်ပါ။

Marry


Read 101 times
Rate :
(0 votes)

Leave a comment

Make sure you enter the (*) required information where indicated. HTML code is not allowed.