Friday, 28 July 2017 02:52

    color
    အိမ်တစ်အိမ်မှာ အိပ်ခန်းတစ်ခန်းတော့ အနည်းဆုံးရှိမှာပါ။ အိပ်ခန်းဆိုတာ အိပ်ဖို့ သက်သက်သာ မဟုတ်ဘဲ အနားယူဖို့၊ ကိုယ်ဝါသနာပါရာလေးတွေကို လုပ်ဖို့အပြင် ကိုယ့်ရဲ့ ချစ်ခင်ရသူနဲ့ ပျော်စရာအချိန်တွေကို ဖန်တီးနိုင်တဲ့ နေရာလည်း ဖြစ်ပါတယ်။ အလုပ်ကနေ ပင်ပန်းလာတာပဲဖြစ်ဖြစ်၊ အပြင်ထွက်ပြီး ပြန်လာတဲ့အခါမှာပဲဖြစ်ဖြစ် ကိုယ့်အိပ်ခန်းလေးက လှလှပပ၊ သပ်သပ်ရပ်ရပ် ရှိနေရင် ပင်ပန်းမှုတွေ အနည်းငယ်တော့ ပြေပျောက်သွားနိုင်ပါတယ်။ ဒီတစ်ပတ်မှာတော့ ကိုယ့်ရဲ့ အိပ်ခန်းလေးကို လှအောင် ပြင်ဆင်နိုင်ဖို့အတွက် Tips လေးတွေကို ဖော်ပြပေးလိုက်ပါတယ်။
    Color ရွေးချယ်မှု
    အရောင် ရွေးချယ်မှုကလည်း အရေးကြီးပါတယ်။ အရောင်ဆေးခြယ်ခြင်းက ကိုယ့်အိပ်ခန်းကို ပြင်ဆင်တဲ့နေရာမှာ ဈေးမကြီးဘဲ အကောင်းဆုံး ပြင်နိုင်တဲ့ နည်းလမ်းတစ်ခုပါ။ အရောင်တွေက ကိုယ့်စိတ်ခံစားချက်တွေကို ပြောင်းလဲနိုင်တယ်ဆိုတာကို သတိပြုပါ။ လူတစ်ဦးတစ်ယောက်ဆီမှာ ကိုယ်ပိုင် စိတ်ကူးစိတ်သန်းနဲ့ ကိုယ်ပိုင်အမြင်၊ ခံစားမှုတွေရှိတဲ့အတွက် ကိုယ့်စိတ်ကို ဘယ်လိုအရောင်တွေက ပြောင်းလဲနိုင်တယ်ဆိုတာ ကိုယ်တိုင်သိပါလိမ့်မယ်။ အရောင်ရွေးချယ်တဲ့အခါ ကိုယ့်အိပ်ခန်းရဲ့ အလင်းရောင်ရရှိမှုကိုလည်း ထည့်သွင်းစဉ်းစားဖို့ လိုပါတယ်။ အိပ်ခန်းက အလင်းရောင်သိပ်မရှိဘူးဆိုရင် Metallic ဆန်ဆန် အရောင်တောက်တောက်တွေကို သုံးသင့်ပါတယ်။ အရောင်ကို တစ်ရောင်တည်းသုံးတာထက် အရောင်စပ်ပြီး pattern တွေ ၊ stripe တွေကို ဖန်တီးလို့ရပါတယ်။ နံရံတွေကိုသာမက မျက်နှာကြက်ကိုပါ ဆေးခြယ်ခြင်းက တစ်မူထူးတဲ့ စိတ်ခံစားချက်ကို ပေးစွမ်းနိုင်ပါလိမ့်မယ်။
    DYI Tree
    DIY Design

    တစ်ခါတလေမှာ ပစ္စည်းတွေ အများကြီးဝယ်ပြီး အခန်းကို အလှဆင်တာထက် ကိုယ့်စိတ်ကူးလေးနဲ့ ဖန်တီးထားတဲ့ DIY ပစ္စည်းလေးတွေက ကိုယ့်အခန်းလေးကို အကုန်အကျမများဘဲ လှပစေပါတယ်။ ဥပမာအနေနဲ့ ကိုယ့်အိမ်မှာ ပိုနေတဲ့ ဝိုင်ယာကြိုးအဟောင်းတွေရှိရင် သော့လေးတွေ ချိတ်လို့ရတဲ့ Holder လေးကို အလွယ်တကူ ပြုလုပ်နိုင်ပါတယ်။ ကြေးရောင်အိုးအဟောင်းလေးတွေနဲ့လည်း အပင်အသေးလေးတွေ စိုက်ပြီး အလှဆင်နိုင်ပါတယ်။ အစိမ်းရောင်က အမြင်အာရုံကို ကောင်းစေတာမို့ ကွန်ပျူတာတွေ၊ ဖုန်းတွေ အသုံးပြုမှုများသူတွေအတွက် အခန်းထဲမှာ အစိမ်းရောင် အပင်သေးသေးလေး စိုက်ပြီး အလှဆင်တာကလည်း idea ကောင်းတစ်ခုပါ။ ကိုယ့်စိတ်ကူးလေးနဲ့ လုပ်ထားတဲ့ ပစ္စည်းလေးတွေက သူများနဲ့မတူဘဲ ကိုယ့်အိပ်ခန်းလေးကို ဆန်းသစ်စေမှာပါ။
    Furniture
    Furniture

    အိပ်ခန်းထဲမှာ ပရိဘောဂပစ္စည်းတွေ အများကြီးရှိနေတာက အမြင်ကို ရှုပ်ထွေးစေပြီး စိတ်မကြည်တဲ့အချိန်မှာ ကိုယ့်ရဲ့ စိတ်အာရုံကိုပါ နောက်ကျိစေပါတယ်။ ဒါကြောင့် မလိုတဲ့ ပရိဘောဂတွေကို ဖြုတ်ပြီး ကိုယ်နှစ်သက်တတ်တဲ့ အရာလေးတွေ အစားထိုးကြည့်ပါ။ ကိုယ်က Traditional ဆန်တဲ့ ပုံစံလေးတွေ သဘောကျရင် အခန်းထဲက မှန်တင်ခုံတို့၊ ခုံတို့ကို ရိုးရာအဆင်လေးတွေနဲ့ ပြောင်းလဲအလှဆင်ကြည့်လိုက်ပါ။ ကိုယ့်ရဲ့ဟန်၊ ကိုယ့်ရဲ့စတိုင် ပေါ်လွင်လာပါလိမ့်မယ်။ တစ်ခုသတိပြုရမှာက လှပတာဟာ ကောင်းပေမယ့် ကိုယ့်ကို သက်သောင့်သက်သာဖြစ်စေမယ့် အရာတွေကို ပိုဦးစားပေးဖို့လည်း လိုပါတယ်။
    Wall Paper
    Wallpaper

    ကိုယ့်အခန်းရဲ့ နံရံတွေက ကိုယ့်အတွက် ရိုးစင်းလွန်းနေပြီဆိုရင် wallpaper လေးတွေနဲ့ ပြောင်းလဲအလှဆင် ကြည့်လိုက်ပါ။ Pattern ပုံစံ၊ တောအုပ်ပုံစံ စသဖြင့် ရွေးချယ်စရာ အများကြီးရှိသလို ဗြောင်ဒီဇိုင်း Wallpaper ပေါ်မှာလည်း ကိုယ် အိုင်ဒီယာရှိရင်ရှိသလို ထပ်မံအလှဆင်လို့ ရပါတယ်။ ကိုယ့်မိသားစုပုံလေးတွေ၊ ကိုယ့်ချစ်သူပုံလေးတွေကို နံရံမှာကပ်ပြီး ကိုယ့်စိတ်ခံစားချက်တွေ၊ ကိုယ့်ကို Motivate လုပ်ပေးနိုင်တဲ့ စာသားလေးတွေပါထည့်ပြီး အလှဆင်နိုင်ပါသေးတယ်။ အဲဒီလို ပြင်ဆင်တဲ့အခါမှာလည်း ရှုပ်ထွေးပြွတ်သိပ် နေတာထက်စာရင် ရှင်းရှင်းလင်းလင်းနဲ့ အမြင်လှအောင် ပြင်ဆင်တာက တစ်မူထူးခြားစေပါလိမ့်မယ်။

    သီသီဟန်သောင်း
    Read More About Real Estate Articles Here


    Read 253 times Last modified on Friday, 28 July 2017 04:02
    Rate :
    (0 votes)

    Leave a comment

    Make sure you enter the (*) required information where indicated. HTML code is not allowed.