Wednesday, 16 May 2018 10:35

    32293954 1154692968004875 5782551840562348032 n

    မြန်မာနိုင်ငံနဲ့ နီပေါနိုင်ငံအကြား ကုန်သွယ်မှု မြှင့်တင်နိုင်ရေးအတွက် နိုင်ငံတော် ဒုတိယ သမ္မတ(၁) ဦးမြင့်ဆွေနဲ့ မြန်မာနိုင်ငံဆိုင်ရာ နီပေါသံအမတ်ကြီး H.E. Mr.Bhim K Udas တို့ဟာ မေလ၁၃ရက်နေ့က ကုန်သည်စက်မှု အသင်းချုပ်မှာ တွေ့ဆုံဆွေးနွေး ခဲ့ကြပါတယ်။
    “နီပေါနိုင်ငံနဲ့ မြန်မာနိုင်ငံအကြား ကုန်သွယ်မှုက နည်းနေပါသေးတယ်။ အခုထက်ပိုပြီး နှစ်နိုင်ငံ ကုန်သွယ်မှု မြှင့်တင်လိုပါတယ်၊ အဓိကအနေနဲ့ ပဲမျိုးစုံကို ကုန်သွယ်မှုပိုပြီး မြှင့်တင်လိုပါတယ်၊ ဆန်ကိုလည်း တင်ပို့နိုင်ပါတယ်။” လို့ ဒုတိယသမ္မတ (၁) ဦးမြင့်ဆွေက ပြောကြားခဲ့ပါတယ်။

    32313011 1154692941338211 7933053841254121472 o
    လက်ရှိမှာတော့ နှစ်နိုင်ငံအကြား စိုက်ပျိုးရေး ထွက်ကုန်တွေ တိုက်ရိုက်ကုန်သွယ်ရာမှာ နှစ်နိုင်ငံရဲ့ အခွန်အခတွေနဲ့ သယ်ယူပို့ဆောင်ရေး စရိတ်မှာ များပြားနေပြီး၊ အိန္ဒိယကတစ်ဆင့် နီပေါနိုင်ငံကို ကုန်သွယ်နေတဲ့ Transit Trade က ပိုမိုသက်သာတဲ့ အခြေအနေရှိတယ်လို့ သိရပါတယ်။
    “နီပေါနိုင်ငံကို အိန္ဒိယကနေ ပဲမျိုးစုံကို တင်သွင်းနေရာမှာ တစ်ချို့ ပဲမျိုးစုံက မြန်မာနိုင်ငံက ဖြစ်တဲ့အတွက် အမျိုးအစား၊ အရည်အသွေး ကောင်းတာကို တွေ့ရပါတယ်။ ပြီးခဲ့တဲ့နှစ်က မြန်မာနိုင်ငံမှာ ပဲမျိုးစုံ ပိုနေတဲ့အတွက် နီပေါက ဝယ်ယူရာမှာ ဈေးနှုန်းသက်သာပြီး အမျိုးအစား ပိုကောင်းတာ တွေ့ရပါတယ်။ နိုင်ငံအတွင်း စားသုံးသူ မြှင့်တက်လာပါတယ်၊ အခုထက်ပိုပြီး မြန်မာနိုင်ငံနဲ့ ကုန်သွယ်မှု မြှင့်တင်ချင်ပါတယ်” လို့ သံအမတ်ကြီးက ပြောကြားခဲ့ပါတယ်။

    32440523 1154693044671534 6907719575740088320 o
    မကြာခင် နီပေါနိုင်ငံနဲ့ မြန်မာနိုင်ငံအကြား စီးပွားရေးအရ ကုန်သွယ်မှု မြှင့်တင်နိုင်ဖို့ နားလည်မှု စာချွန်လွှာကို လက်မှတ်ရေးထိုး သွားမှာဖြစ်ပြီး ပဲမျိုးစုံ၊ ဆန်အပြင် ငါးပုစွန် တင်ပို့နိုင်ရေးနဲ့ ပညာရေးကဏ္ဍ တို့မှာလည်း နီပေါနိုင်ငံနဲ့ ပူးပေါင်းဆောင်ရွက်မှာ ဖြစ်တယ်လို့ သိရပါတယ်။
    နှစ်နိုင်ငံအကြား ကုန်သွယ်မှုမှာ သယ်ယူပို့ဆောင်ခ ခရီးစရိတ်အပြင် ကုန်သွယ်မှုအတွက် အခွန်အခ သက်သာစေလိုတဲ့အတွက် ကုန်သွယ်မှုသာမက ခရီးသွားလာမှု မြှင့်တင်ရေးအတွက်ပါ လုမ္မနီ အပြည်ပြည်ဆိုင်ရာ လေဆိပ်ကို ရှေ့လာမယ့်နှစ်မှာ ဖွင့်လှစ်မှာ ဖြစ်ပါတယ်။ မြန်မာလုပ်ငန်းရှင်တွေ အနေနဲ့ နီပေါဈေးကွက်နဲ့ ရင်းနှီးမှုရှိတဲ့ ပမာဏနည်းနေတဲ့ အတွက် အပြန်အလှန် စီးပွားရေး ကိုယ်စားလှယ်အဖွဲ့တွေ စေလွှတ်ပြီး လေ့လာသွားမှာ ဖြစ်ပါတယ်။

    Read more about business article Here


    Photo - UMFCCI


    Read 146 times Last modified on Wednesday, 16 May 2018 10:44
    Rate :
    (0 votes)

    Leave a comment

    Make sure you enter the (*) required information where indicated. HTML code is not allowed.