ယနေ့ (ဒီဇင်ဘာလ ၁၄ရက်) နေ့တွင် ရန်ကုန်ရှိ မြို့နယ် (၁၀)ခု၌ မီးပြတ်မည်

ရန်ကုန်တိုင်း ​ဒေသကြီးအတွင်းရှိ ခရိုင်နှင့် မြိုနယ်(၁၀)ခုတွင် ဒီဇင်ဘာလ (၁၄) ရက်နေ့၌ နေ့တစ်ပိုင်းခန့် လျှပ်စစ်ဓာတ်အား ပြတ်တောက်မည် ဖြစ်ကြောင်း ရန်ကုန် လျှပ်စစ်ဓာတ်အား​ပေး​ရေး​ ကော်ပို​ရေးရှင်းမှ ကြေညာချက်အရ သိရသည်။ 

လျှပ်စစ်ဓာတ်အား ပြတ်တောက်မည့် နေရာများမှာ 

• ကြည့်မြင်တိုင်၊
• ကမာရွတ်၊
• စမ်း​ချောင်း၊
• အလုံ၊
• လှည်းကူး၊
• ​ဖောင်ကြီး၊
• ​မှော်ဘီ၊
• တိုက်ကြီး၊
• ဥက္ကံ၊
• အ​ဖျောက်

စသည့် မြို့နယ်များရှိ ရပ်ကွက်အချို့တွင်း ဓာတ်အားပြတ်တောက်မည် ဖြစ်ပြီး ပြတ်တောက်မည့် အချိန်မှာ နံနက် (၉)နာရီမှ နေ့လည် (၁၂)နာရီအထိ လုပ်ငန်းဆောင်ရွက်ချိန်အတွင်း ဖြစ်သည်ဟု သိရသည်။ 

ဖော်ပြပါ မြို့နယ်များတွင် 66kV ၊ 33kV ဓါတ်အားခွဲရုံများနှင့် Distribution Transformer များအား ရေရှည် ဓာတ်အားပြည့်ဝစွာ ပေးစွမ်းနိုင်ရေးအတွက် ဟောင်းနွမ်း၍ ဝန်အားမနိုင်သော 11kV ဓာတ်အားလိုင်းကြိုးများကို လျှပ်ကာပါ​သော ဓာတ်အားလိုင်းကြိုး အသစ်များဖြင့် လဲလှယ်ခြင်း လုပ်ငန်းများ ဆောင်ရွက်မည် ဖြစ်သည်။ 

ထို့ပြင် ဓာတ်အား ပြတ်တောက်မှု လျော့နည်း ကျဆင်းစေရေးအတွက် သစ်ပင်၊ သစ်ကိုင်းများ ခုတ်ထွင်ရှင်းလင်းခြင်း လုပ်ငန်းများပါ တစ်ပါတည်း ဆောင်ရွက်မည် ဖြစ်ကြောင်း ရန်ကုန် လျှပ်စစ်ဓာတ်အား​ပေးရေး ကော်ပို​ရေးရှင်း၏ လူမှုကွန်ယက် စာမျက်နှာတွင် ဖော်ပြချက်အရ သိရသည်။ 

ထို့ကြောင့် အထက်ဖော်ပြပါ မြို့နယ်နှင့် ရပ်ကွက်နေ ပြည်သူများ အနေဖြင့် ယာယီ ဓာတ်အား ပြတ်​တောက်ရခြင်းအတွက် လှုမှု​ရေး အခက်အခဲများ ​ပေါ်​ပေါက်လာနိုင်မှုများအ​ပေါ်  နားလည် ခွင့်လွှတ်​ပေးကြပါရန် ပန်ကြားထားပါသည်။