ပြည်တွင်းသာမက ပြည်ပလေကြောင်းလိုင်းများကိုလည်း ပျံသန်းပြေးဆွဲဖို့ စီစဉ်လျက်ရှိ

Ads Ads Ads

COVID-19 ရောဂါကူးစက်မှုကြောင့် ခရီးသွားလာခြင်းကို ပိတ်ပင်ထားပေမယ့် ပြည်တွင်းလေကြောင်းခရီးစဉ်များကိုတော့ ဒီဇင်ဘာလ (၁၆) ရက်က စတင်ပျံသန်းပြေးဆွဲနေပြီး ခရီးသည်များအနေနဲ့ COVID-19 ကာကွယ်ထိန်းချုပ်ရေးအတွက် လိုက်နာရမည့် အချက် (၉) ချက်ကို ကျန်းမာရေးနှင့် အားကစားဝန်ကြီးဌာနရဲ့ သတ်မှတ်ချက်များနဲ့အညီ ထုတ်ပြန်ထားပြီးဖြစ်ပါတယ်။

COVID-19 ရောဂါကြောင့် ရပ်နားထားသော နိုင်ငံတကာ ခရီးသည်တင်လေကြောင်းလိုင်းများကို ပြန်လည်ပျံသန်းနိုင်ရေးက ရောဂါကာကွယ်ရေးအတွက် ကြိုတင်ပြင်ဆင်မှုများပြုလုပ်ထားသော်လည်း (၂၀၂၁) ခုနှစ် ဇန်နဝါရီ (၁)ရက်နေ့မှာ ပြန်လည်ပျံသန်းနိုင်ရေးက စောင့်ကြည့်အနေအထားသာ ရှိနေသေးတယ်လို့ သိရပါတယ်။

ဒါ့အပြင် ပို့ဆောင်ရေးနှင့် ဆက်သွယ်ရေးဝန်ကြီးဌာနက နိုင်ငံတကာခရီးသည်တင်လေကြောင်းခရီးစဉ်များ မြန်မာနိုင်ငံသို့ ပျံသန်းဆင်းသက်ခြင်းကို ယာယီကန့်သတ်ခြင်းဆိုင်ရာ ညွှန်ကြားချက်ရဲ့ သက်ရောက်မှုကာလ တိုးမြှင့်သတ်မှတ်ခြင်း ထုတ်ပြန်ချက်ကို ဒီဇင်ဘာလ (၃၀)ရက်နေ့မှာ ကြေညာခဲ့ပါတယ်။

မြန်မာနိုင်ငံအတွင်း COVID-19 ရောဂါကူးစက်ဖြစ်ပွားမှုကို ထိန်းချုပ်နိုင်ရေး ဆောင်ရွက်ရာမှာ နိုင်ငံတကာမှ လေကြောင်းခရီးစဉ်များဖြင့် ခရီးသည်များ ဝင်ရောက်လာမှုကို ကန့်သတ် ထိန်းချုပ်နိုင်ရေးမှာ များစွာအရေးပါတာကြောင့် ကျန်းမာရေးနှင့် အားကစားဝန်ကြီးဌာနက (၂၉-၃-၂၀၂၀) ရက်နေ့မှာ ထုတ်ပြန်ခဲ့သော နိုင်ငံတကာခရီးသည်တင် လေကြောင်းခရီးစဉ်များ (International Commercial Passenger Flights) မြန်မာနိုင်ငံသို့ ပျံသန်းဆင်းသက်ခြင်းကို ယာယီကန့်သတ်ခြင်း ဆိုင်ရာ ညွှန်ကြားချက်(Temporary Measures to Prevent Importation of COVID-19 to Myanmar through Air Travel) ရဲ့ သက်ရောက်မှု ကာလကိုCOVID-19 ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီရဲ့ ခွင့်ပြုချက်ဖြင့် (၃၁-၁၂-၂၀၂၀) ရက်နေ့၊ မြန်မာ စံတော်ချိန် (၂၃:၅၉) နာရီအထိ တိုးမြှင့်သတ်မှတ်ခဲ့ပါတယ်။

ယခုအချိန်ထိ ကမ္ဘာ့နိုင်ငံအများစုတွင် COVID-19 ကပ်ရောဂါ ကူးစက်ပျံ့ပွားမှုနှုန်း မြင့်တက် နေဆဲဖြစ်ပြီး ဗြိတိန်နိုင်ငံမှာ စတင်တွေ့ရှိခဲ့သော ကူးစက်မြန် ဗီဇပြောင်း COVID-19 ရောဂါပိုး အသစ်ကို အချို့ အာရှနိုင်ငံများအပါအဝင် အခြားနိုင်ငံများသို့ စတင်ကူးစက်နေလျက်ရှိနေပါတယ်။

ထိုကူးစက်မှုကို တွေ့ရှိရခြင်းကြောင့် မြန်မာနိုင်ငံအတွင်းသို့ နိုင်ငံတကာလေကြောင်းခရီးသည်များမှတစ်ဆင့် COVID-19 ရောဂါပိုး ကူးစက်မှုအန္တရာယ်မှ ဆက်လက်၍ တားဆီးကာကွယ်နိုင်ရေးအတွက် COVID-19 ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီရဲ့ ခွင့်ပြုချက်ဖြင့် အထက်ပါညွှန်ကြားချက်၏ သက်ရောက်မှုကာလကို (၃၁-၁-၂၀၂၁) ရက်နေ့၊ မြန်မာစံတော်ချိန် (၂၃:၅၉) နာရီအထိ ထပ်မံတိုးမြှင့် သတ်မှတ်လိုက်ပါတယ်။

သို့သော်လည်း COVID-19 ကပ်ရောဂါရဲ့ သက်ရောက်မှုကြောင့် မြန်မာနိုင်ငံ၏ စီးပွားရေး ထိခိုက်မှုကို ပြန်လည်ကုစားရေးအတွက် အထောက်အကူဖြစ်စေရန် COVID-19 ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီရဲ့ လမ်းညွှန်မှုအရ International Commercial Passenger Flights များကို COVID-19 ရောဂါ ကူးစက်ပြန့်ပွားမှု အခြေအနေအပေါ် မူတည်၍ ကျန်းမာရေးဆိုင်ရာ စံသတ်မှတ်ချက်များနှင့်အညီ အဆင့်လိုက် ပြန်လည်ပြေးဆွဲခွင့်ပြုနိုင် ရေးအတွက် သက်ဆိုင်ရာ ပြည်ထောင်စုဝန်ကြီးဌာနများမှ ညှိနှိုင်းဆွေးနွေးလျက်ရှိပါတယ်။

By Yangon Directory

Yangon Trend Read 290 times