ခရီးသွားလုပ်ငန်းအတွက် (၅)နှစ်လုပ်ဆောင်မည့် ခရီးသွားလုပ်ငန်း ပြန်လည်ရှင်သန်ရေးလမ်းပြမြေပုံ စီမံကိန်း

Ads Ads Ads

ကိုဗစ်ကူးစက်ရောဂါက အချိန်ကာလကြာလာတာနဲ့အမျှ ကာကွယ်ဆေးကလည်း မသေချာတာကြောင့် ကျွန်တော်တို့ဟာ ကိုဗစ်ရောဂါနဲ့အတူ ယှဉ်တွဲနေထိုင်လာကြရပါတယ်။

ကိုဗစ်အေးကာလကို ရောက်လာပြီဆိုတော့ စီးပွားရေးလုပ်ငန်းတွေ ပြန်လည်ရှင်သန်ဖို့ ရောင်ခြည်သန်းလာပါပြီ။ ခရီးသွားလုပ်ငန်းတွေကလည်း လည်ပတ်ဖို့အတွက် ပြင်ဆင်မှုတွေ ရှိလာပါပြီ။

ဟိုတယ်နှင့် ခရီးသွားလာရေးဝန်ကြီးဌာန၊ ခရီးသွားမြှင့်တင်ရေးဌာနခွဲ မှ ညွှန်ကြားရေးမှူး ဦးဇေယျာမျိုးအောင်ရဲ့ ပြောကြားချက်အရ ခရီးသွားလုပ်ငန်း ပြန်လည်စတင်ရန် ရှေ့ပြေးခရီးစဉ်တွေဖြစ်တဲ့ လေယာဉ်နဲ့ ရှုခင်းကြည့် ခရီးစဉ်နှင့် မြစ်တွင်းသင်္ဘောနဲ့ ရှုခင်းကြည့်ခရီးစဉ်တွေကို ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားတဲ့ လမ်းညွှန်ချက်တွေနဲ့အညီ စနေ၊တနင်္ဂနွေ ပိတ်ရက်တွေမှာ ဆောင်ရွက်လျက်ရှိတယ်လို့ သိရပါတယ်။

ဒီလို ရှေ့ပြေးခရီးစဉ်တွေ စီစဉ်ရခြင်းက ကိုဗစ်ကူးစက်မှုဖြစ်ပွားနေပေမယ့်လည်း မြန်မာနိုင်ငံရဲ့ ခရီးသွားလုပ်ငန်းတွေမှာ ကျန်းမာရေး စံချိန်စံညွှန်းများနှင့်အညီ ပြန်လည်စတင်နိုင်ရန် ဆောင်ရွက်နေတာ ဖြစ်ပါတယ်။ ပြည်သူတွေ အနေနဲ့လည်း Stay at Home ၊ Lock down တွေနဲ့ နေရချိန်မှာ မွန်းကျပ်မှုတွေ ပြေလျှော့စေဖို့ ရည်ရွယ်ခြင်း ဖြစ်ပါတယ်။

ဒါ့အပြင် "မြန်မာ့ခရီးသွားလုပ်ငန်း ဖွံ့ဖြိုးတိုးတက်စေဖို့ ခရီးသွားလုပ်ငန်းပြန်လည်ရှင်သန်ရေးလမ်းပြမြေပုံ (MTSRR)ကို အတည်ပြုပြီး (၂၀၂၁) ခုနှစ် ဇန်နဝါရီ (၁) ရက်မှစ၍  အဆိုပါလမ်းပြမြေပုံအတိုင်း အကောင်အထည်ဖော်ဆောင်ရွက်သွားမှာ ဖြစ်တယ်" လို့ ဟိုတယ်နှင့်ခရီးသွားလာရေးဝန်ကြီးဌာန၊ ခရီးသွားမြှင့်တင်ရေးဌာနခွဲမှ ညွှန်ကြားရေးမှူး ဦးဇေယျာမျိုးအောင် က ပြောကြားခဲ့ပါတယ်။

" ကျွန်တော်တို့ ဒီဇင်ဘာ ၂၃ ရက်မှာ လုပ်ခဲ့တဲ့ ခရီးသွားလုပ်ငန်းကော်မတီအစည်းအဝေးမှာ ခရီးသွားလုပ်ငန်းပြန်လည်ရှင်သန်ရေးလမ်းပြမြေပုံအတည်ပြုခဲ့တာပါ။ ကျွန်တော်တို့  (၂၀၂၁) ခုနှစ် ဇန်နဝါရီ (၁) ရက်ကနေ စပြီး မြန်မာ့ခရီးသွားလုပ်ငန်းမြှင့်တင်ရေးအတွက် အကောင်အထည်ဖော် ဆောင်ရွက်တော့မှာပါ။ ဒီလမ်းပြမြေပုံအတိုင်း (၂၀၂၁ ခုနှစ် ကနေ ၂၀၂၅ ခုနှစ်) အထိ (၅) နှစ် စီမံကိန်းဆောင်ရွက်သွားမှာပါ " လို့ ဦးဇေယျာမျိုးအောင်က ပြောကြားခဲ့ပါတယ်။

ခရီးသွားလုပ်ငန်း ပြန်လည်ရှင်သန်ရေး လမ်းပြမြေပုံ (MTSRR)မှာ မြန်မာ့ခရီးသွားလုပ်ငန်း (၂ နှစ် ၃ နှစ်) အတွင်း ပြန်လည်ရှင်သန်လာဖို့ Immediate၊ Medium term နဲ့ Long term ဆောင်ရွက်ရမယ့် မဟာဗျူဟာတွေနှင့် လုပ်ငန်းစဉ်တွေ ထည့်သွင်းရေးဆွဲထားပြီး မိမိဒေသအလိုက် ခရီးသွားလုပ်ငန်း ဖွံ့ဖြိုးတိုးတက်ရေးအတွက် Regional Master Plan များကို တိုင်းဒေသကြီးနှင့် ပြည်နယ်များအလိုက် ဆက်လက်ရေးဆွဲ ဆောင်ရွက်သွားမှာ ဖြစ်ပါတယ်။

" ကျွန်တော်တို့ ဝန်ကြီးဌာနအနေနဲ့ကျန်းမာရေးနှင့် အားကစားဝန်ကြီးဌာနက ထုတ်ပြန်ထားတဲ့ လမ်းညွှန်ချက်များ၊ နိုင်ငံတကာခရီးသွားအဖွဲ့အစည်းများ၏ လမ်းညွှန်ချက်များနဲ့အညီ Enchanting Myanmar Health and Safety Protocol (HSP) ကို Regional, National, International ဆိုတဲ့ အဆင့် (၃) ဆင့်နဲ့ အကောင်အထည်ဖော် ဆောင်ရွက်သွားဖို့ရှိပါတယ် "လို့ ဦးဇေယျာမျိုးအောင်က ပြောကြားခဲ့ပါတယ်။

စီမံကိန်း လမ်းပြမြေပုံအတိုင်း ပြည်နယ်အသီးသီးရဲ့ ဒေသဆိုင်ရာခရီးသွားလုပ်ငန်းကော်မတီတွေမှ ပူးပေါင်းစိစစ်ပြီး မြန်မာနိုင်ငံကို Safe to travel destination တစ်ခုအဖြစ် နိုင်ငံတကာခရီးသွားတွေက သိမြင်လက်ခံလာအောင် ဆောင်ရွက်မှာ ဖြစ်ပါတယ်။

By Yangon Directory

Credit Photo

Business Read 163 times